1 TIMOTHEO 4 - Biblia Ilagho Jiboie Kwa Wandu Wose

Walimu wa tee

¹ Idana Roho waghora worinyi kukaia, matuku ghichagha wandu wamu wichajisigha ijo irumirio, na kusikira roho rikaliagha na mafundisho gha pepo;

² kwa chia ya wandu wa tee wikaliagha, awo nia rawo riko seji reekabwa mtero kwa chuma chikumbilo modonyi.

³ Wandu awo wichaghiria wandu kulowua, na vindo, navo Mlungu orevibonyereghe viwuso kwa chawucha ni awo wirumiriagha, na kuimanya ija loli.

⁴ Angu icho chose chiumbilo ni Mlungu chaboie, hata kindo chingi chiselegho, ikakaia chawuswa kwa chawucha;

⁵ kwa kukaia chaeleshwa kwa ilagho ja Mlungu na malombi.

Mdumiki mucha wa Kristo Jesu

⁶ Kukawineka wanidu malaghiro agha, kuchakaia mdumiki mucha wa Kristo Jesu; ujishiro nicha kiroho, andenyi ya ijo irumirio, na mafundisho mecha agho kumerie kughinugha.

⁷ Kukutanye putu na chughano riseko ra Kimlungu, na ra wukelu. Kukufundishe kumuobua Mlungu,

⁸ kwa kukaia, kukuzaisira kwa mumbi kwafwana kutini, ela kuobua kwa Mlungu kwafwana kwa kula chia; angu koko na ilaghiro kwa wundu ghwa irangi iji; na kwa jija jichagha wori.

⁹ Ilagho iji ni ja loli, najo jafwana jirumirilo putu.

¹⁰ Angu ni kwa wundu ugho dawuyabonya kazi kwa kufunga ndighi, kwa kukaia dawikie isuwirio jedu kwa Mlungu uko moyo, uhu uko Mkiri wa wandu wose, na kuchumba wa awo wirumiriagha.

¹¹ Laghira na kurifundisha maza iri.

¹² Mndungi usakeghumenya wudawana ghwako; ela kukaie mfwano kwa warumirii kwa chia ya madedo na tabia, kwa lukundo, kwa irumirio na wueli.

¹³ Wadia kushoma Maandiko Ghielie imbiri ya wandu, na kuchila, na kufundisha, hata niche;

¹⁴ kusesighe kutumia inosi ja kiroho kuko najo, ijo korenekeloghe kwa chia ya wulodi, iji waghosi werekuwikirieghe mikonu.

¹⁵ Kukuzaisire kubonya kazi iri, kukufunye putu kwa iro, eri kughenda imbiri kwako kuwoneke kwa wandu wose.

¹⁶ Kukulindie kumoni, sena kughilindie mafundisho ghako; kumaziriane nagho, angu kwa kubonya huwo, kuchakukira kumoni chiaimweri na awo wikusikiriagha.