Насигьятар 28 - Гирами Китаб

¹ ФужкӀа хъергнадаршра, гьякьсуз йишвʼин кдисурдар, хъа гьякьлур, асланси, ижмиди дийигънайир ву.

² Гьюкумат бикьурайиган гизаф шулу гьюкумдрар, хъа фикирлу ва зигьимлу гьюкумдарихъди уьлке ккадабхъидар.

³ Аьжузариз илзигру касиб кас, гъурзу хутӀлар гъахру сел гьисаб ву.

⁴ КӀваълан гьапӀнайири Къанун гьякьсузарин тяриф апӀура, хъа думу уьбхрур дурарихъди женгнаъ а.

⁵ Пис инсанар гъавриъ адар дюзвалин, РАББИ агурайидар гъавриъ ахъди дидин.

⁶ Марцциди яшамиш шулайи касиб кас ужуди ву, дугъри дару девлетлутӀан.

⁷ Фикирлу бали Къанун тамам апӀура, ичӀи адмийирихъди хъайири чан адаш беябур апӀура.

⁸ Буржназ пул туври гьаддилан ацӀрайирин девлет тувди касибарин гъайгъу кайириз.

⁹ Къанундин гафар ерхьуз даккнирин ккарагубра ву хявишин.

¹⁰ Дюз касар пис рякъюхъ хъаърур чав гъапӀу ичӀазди ахъур, хъа кацӀну адруриз хьибди ужувлан пай.

¹¹ Девлетлуйиз учв аькьюл айирси рякъюра, хъа фикирлу касибур дугъан гъавриъ ахъди.

¹² Гъалиб шулу гьякьлуйир – шадвалин гьарайра абхъру; гьякьсузар гъуллугъарихь дерккруган, адмийир, ачмиш даршули, гьитӀикӀури шулу.

¹³ ГьитӀибкӀарва яв гуннагь – ужубдиз миккилиган; кӀулʼина гъадабгъарва ва тина апӀарва – хил алдабгъиди увлан.

¹⁴ Бахтавар ву РАББИЙИЗ гьаммишан гьюрмат айир, хъа ахъди балайиъ инкар юкӀв айир.

¹⁵ Аслан ккярябгъюрайи, швеъ деллу дубхьнайи, гьацир ву пис гьюкумдар касиб халкьдиз.

¹⁶ Абдал гьюкумдри артухъди илзигури шулу, хъа ярхи хьиди йигъар илзигуб даккнирин.

¹⁷ Инсан йикӀбягъ гъяйир йикӀайизкьан тӀиркӀури хьиди, гъит сарира дицириз кюмек дарапӀри.

¹⁸ Марцциди яшамиш шулайириз хатӀа хьибдар, терсди гъягъюрайир чаз хабар дарди алдакиди.

¹⁹ Жил тартиб апӀрур хьиди тухъ, хъа фуж ичӀибдихъ хъергнаш, аьжузвал хътюбкьиди.

²⁰ Варжбан ужувлакк кка инсан вафалу, хъа девлетнахъ хъачӀарккнайир жазайиккан ккутӀурччвидар.

²¹ Майил апӀуб ужуб ляхин дар – саб тики уьл бадалира инсанди нягьякьвал апӀури шулу.

²² Девлетлу хьуз гьялак ву тямягькар, хъа кьяляхъди аьжузвал хъайиб аьгъдар.

²³ Тягьна кипбаз артухъди чухсагъул пидивуз, иблисвалин гафаризтӀан.

²⁴ «Дици апӀбаъ гуннагь адар», кӀури, адашна дада хътитӀурайир, тӀарашчйирин ву терефкар.

²⁵ Тямягькар адмийи гьязур апӀура гъяувалар, хъа РАББИЙИИН хъугъʼвал алир ужувлаъ а.

²⁶ ЖвувʼинтӀан хъугъвал алдрур абдал ву, хъа аькьвлин жилгъйириъди гъярайир, уьрхиди.

²⁷ Касибриз капӀрайирин хътӀабццидар, хъа касибвал дярябкъюз улар уьлчӀюкьнайири артухъ апӀура чаз агьрар.

²⁸ Зина удучӀвру гьякьсузарихьан инсанари гъирагъ йивуру, дурар гъачӀиган, гьякьлуйир артухъ шулу.