Насигьятар 17 - Гирами Китаб

¹ Мясляаьт айишваъ гъицибкъу кьацӀ ужу ву, бегьем ипӀруб ади гъалмагъал айи халтӀан.

² Фикирлу лукӀраз чан агъайин лайикь дару балин зиин гьюкум хьибди ва думу балин чвйирихъди сабси думу лукӀразра ирснакан пай тувди.

³ Арс ебцбан бадали – баттил лазим ву, гъизил ебцбан бадали – жадан, хъа юкӀвариз – РАББИЙИХЬАН ахтармишʼвалар.

⁴ Писур, иблис улхбарихъ хъпехъури шулу, чӀуру кьастар айирин гафариз кучӀляхира иб тувру.

⁵ Касибрик кялхърури беябур апӀура думу халкь ГъапӀур, ккутӀурччвидар жазайиккан чӀурубдиин шад шлур.

⁶ Яшлуйириз таж – бицӀидарин бицӀидар, хъа баярин ад – дурарин абйир.

⁷ Важиблу гафар авамриз лайикь дар, хъа заан касдиз – кучӀлин улхбар.

⁸ Тувруриз дашбаш, думу тӀилисим кайи гъванси гьибгъру: наанди ккундуш илтӀикӀ – варишвариъ хайир.

⁹ Масанвалихъ хъчӀарккруриз кӀваълан гьархру гиран, хъа писвал кӀваин апӀрурин дургру дуст.

¹⁰ Гъавриъ шлуриз чан тахсир улупуб, абдлик варж гъурдтӀан ижмиди кабхъди.

¹¹ Писур анжагъ гъярхьуваларихьна шулу ял, ва малайикра дугъахьна гьаъди яман.

¹² Бякьйир гъудургу швеъ алабхъуб ужу ву, гъизгъин ахмакьвал ади абдал алахъайиз!

¹³ Гъянивализ писвалиинди жаваб туврурин хулхъан писвал хътабкидар.

¹⁴ Гьюжатарин эвел гьутӀубччвуз ккайи дагриан гъябгъюрайи шидси ккебгъру, гъавриъ ахъ, гъярхьувалар ккергъайиз.

¹⁵ Писуриз «Яв тахсир дар» пуб ва тахсир ктрурик тахсир кипуб – мура, тмура РАББИЙИЗ хяви ву.

¹⁶ Гьаз ву абдлин пул, эгер аькьюл пулихъ гъадабгъуз шлуб дарш?

¹⁷ Масанвал дустран – вари вахтариз, чвера бабкан духьна, чвуччвухъди бала пай апӀуз.

¹⁸ Фикирсузри жарарин буржар чаина гъадагъуз гаф тувру, гьялак шулу жарарихъанди жаваб тувуз.

¹⁹ Гъярхьувалар ккунириз ккунду чӀурубра, учв заанди улупрур заансина ктахъидира вуда.

²⁰ КучӀлин кӀваз гъяниб рябкъидар, кучӀлин мелзну балайихьан уьрхидар.

²¹ Аькьвлин ками веледди абайиз-бабаз дерд хуру, жвуван балин авамваликан рази хьидарва.

²² Шадвал кӀваин – ужубтӀан ужуб дарман ву, хъа гъагънакк ккайи рюгьну, беден ебццуру.

²³ Гьякьсузри жиниди дашбаш бисуру ва гьякь суд дугъри дару суддиз илтӀибкӀуру.

²⁴ Фагьумлу рябкъюб аькьвлихьинди илбицна, абдлин лигуб жилин вари пӀипӀаризди гьапӀна.

²⁵ Абдал бай – дерд ву адашдиз ва кьуткьлишин дадайиз.

²⁶ Пис ляхин ву – тахсир ктрурикан ктабгъуб, лайикьсузвал ву – гьюрматлу касдиз йивуб.

²⁷ Гъавриъ айир гафариъ ихтиятур ву, фикир хъайир сабурлу ву.

²⁸ Ахмакь ккебехъиди – думу аькьюл айир ву пиди, дугъу чан ушв илибкиди – хиял хьибди, фагьумлур ву кӀури.