Эстер 10 - Гирами Китаб

Мярдягьяйин гьяйбатлувал

¹ Хъа паччагь Ахашʼверушди цӀийи налог идара апӀуру – айтӀан ва гьюлин гъирагъдихъ хъайи вилаятариъ.

² Вари гьаму баркаллу ляхнарикан ва паччагьди Мярдягьяй фициб дережайиина за гъапӀнуш – варибдикан Мидияйин ва Персияйин паччгьарин йисарин тарих кайи китабариъ дибикӀна.

³ Жугьуд Мярдягьяй, паччагь Ахашʼверушдилан алдабхъган, гьюкуматдиъ кьюрпи кас вуйи. Жугьтарин арайиъ машгьур, аьхю кьадар майил-мадатдиз ккуни дугъу чан халкьдин хушбахтвал бадали гъайгъу гъизигну, ва думу вари чан халкьдин тереф уьбхрур гъахьну.