ꠎꠛꠥꠞ ꠡꠞꠤꠚ 6 - Siloṭi Asmani Kitab (Nagri lipi)ꠀꠟ-ꠎꠛꠥꠞ ৬ ꠢꠎꠞꠔ ꠖꠣꠃꠖꠞ ꠝꠤꠎꠝꠞ। 1 ꠗꠣꠝꠇꠤ ꠖꠤꠅ ꠘꠣ ꠉ ꠝꠣꠛꠥꠖ ꠉꠥꠍꠣ ꠇꠞꠤꠀ, ꠡꠣꠎꠣ ꠖꠤꠅ ꠘꠣ ꠝꠞꠦ ꠞꠣꠉ ꠇꠞꠤꠀ। 2 ꠖꠄꠀ ꠇꠞꠅ ꠀꠝꠣꠄ ꠝꠣꠛꠥꠖ ꠢꠥꠇꠣꠁ ꠎꠣꠁꠀꠞ ꠀꠝꠤ, ꠛꠦꠝꠣꠞ ꠡꠤꠚꠣ ꠇꠞꠅ ꠔꠥꠝꠤ ꠇꠣꠙꠦꠞ ꠝꠞ ꠀꠒ꠆ꠒꠤ। 3 ꠒꠞꠞ ꠌꠥꠐꠦ ꠀꠝꠣꠞ ꠎꠣꠘ ꠗꠠꠚꠠ ꠗꠠꠚꠠ ꠇꠞꠦ, ꠀꠞ ꠇꠔꠖꠤꠘ ꠌꠟꠛ ꠁꠟꠣ ꠝꠞ ꠎꠤꠛꠘꠦ? 4 ꠚꠤꠞꠤꠀ ꠌꠣꠅ ꠉ ꠝꠣꠛꠥꠖ ꠛꠣꠌꠣꠅ ꠀꠝꠣꠞ ꠎꠣꠘ, ꠔꠥꠝꠣꠞ ꠖꠄꠀꠞ ꠖꠥꠀꠁ ꠟꠣꠉꠦ ꠇꠞꠅ ꠝꠞ ꠀꠍꠣꠘ। 5 ꠝꠞꠣꠞ ꠛꠣꠖꠦ ꠔꠥꠝꠣꠞꠦ ꠔ ꠒꠣꠇꠣꠞ ꠘꠣꠁ ꠃꠙꠣꠄ, ꠙꠣꠔꠣꠟꠅ ꠢꠣꠝꠣꠘꠤꠞ ꠛꠣꠖꠦ ꠔꠥꠝꠣꠞ ꠉꠥꠘꠉꠣꠘ ꠇꠦ ꠉꠣꠄ? 6 ꠇꠣꠘ꠆ꠖꠤ ꠇꠣꠘ꠆ꠖꠤ ꠀꠝꠣꠞ ꠛꠤꠍꠘꠣ ꠙꠞꠔꠤ ꠞꠣꠁꠔ ꠜꠤꠎꠣꠁꠟꠣꠁ, ꠀꠝꠣꠞ ꠌꠃꠈꠞ ꠙꠣꠘꠤꠄ ꠛꠤꠍꠘꠣ-ꠛꠣꠟꠤꠡ ꠜꠤꠎꠤꠀ ꠎꠣꠄ, 7 ꠖꠤꠟꠞ ꠖꠥꠈꠦ ꠀꠝꠣꠞ ꠌꠃꠈ ꠢꠥꠇꠣꠁ ꠎꠣꠞ, ꠖꠥꠡꠝꠘꠞ ꠒꠞꠦ ꠌꠃꠈ ꠀꠝꠣꠞ ꠇꠝꠎꠥꠞ ꠛꠘꠤꠎꠣꠞ। 8 ꠀꠝꠣꠞ ꠉꠦꠍ ꠕꠣꠇꠤ ꠜꠣꠉꠅ ꠢꠇꠟ ꠘꠣꠚꠞꠝꠣꠘ, ꠝꠣꠛꠥꠖꠦ ꠔ ꠢꠥꠘꠍꠂꠘ ꠀꠝꠣꠞ ꠖꠤꠟꠞ ꠇꠣꠘ꠆ꠖꠘ। 9 ꠙꠥꠞꠣꠙꠥꠞ ꠢꠥꠘꠍꠂꠘ ꠔꠣꠁꠘ ꠀꠝꠣꠞ ꠝꠤꠘꠔꠤ, ꠇꠛꠥꠟ ꠇꠞꠍꠂꠘ ꠔꠣꠁꠘ ꠀꠝꠣꠞ ꠀꠞꠎꠤ। 10 ꠀꠝꠣꠞ ꠢꠇ꠆ꠇꠟ ꠖꠥꠡꠝꠘ ꠒꠞꠞ ꠌꠥꠐꠦ ꠇꠣꠙꠃꠇ, ꠡꠞꠝ ꠙꠣꠁꠀ ꠅꠈꠘꠃ ꠀꠝꠣꠞ ꠙꠤꠍ ꠍꠣꠠꠃꠇ॥ |
© Ahle Kitab Society. All rights reserved.