ꠎꠛꠥꠞ ꠡꠞꠤꠚ 4 - Siloṭi Asmani Kitab (Nagri lipi)ꠀꠟ-ꠎꠛꠥꠞ ৪ ꠢꠎꠞꠔ ꠖꠣꠃꠖꠞ ꠝꠤꠎꠝꠞ। 1 ꠅ ꠀꠟ꠆ꠟꠣ, ꠀꠝꠣꠞ ꠒꠣꠇꠅ ꠇꠣꠘ ꠖꠤꠅ, ꠀꠝꠣꠞꠦ ꠘꠤꠞ꠆ꠖꠥꠡ ꠇꠁꠀ ꠔꠥꠝꠤ ꠔ ꠎꠣꠁꠞ ꠇꠞꠍ। ꠝꠍꠤꠛꠔꠞ ꠇꠣꠟꠅ ꠔꠥꠝꠤ ꠀꠝꠣꠞ ꠎꠣꠘꠅ ꠀꠞꠣꠝ ꠖꠤꠍ, ꠝꠦꠢꠦꠞꠛꠣꠘꠤ ꠇꠞꠤꠀ ꠀꠝꠣꠞ ꠖꠥꠀ ꠇꠛꠥꠟ ꠇꠞꠅ। 2 ꠅ ꠝꠣꠘꠥꠡ ꠅꠇꠟ, ꠀꠝꠣꠞ ꠁꠎ꠆ꠎꠔꠞꠦ ꠔꠥꠝꠞꠣ ꠀꠞ ꠇꠔꠖꠤꠘ ꠛꠦꠁꠎ꠆ꠎꠔ ꠇꠞꠔꠣꠄ, ꠇꠔꠖꠤꠘ ꠛꠦꠇꠣꠝꠣ ꠝꠣꠔꠞ ꠝꠣꠄꠀꠔ ꠞꠁꠔꠣꠄ, ꠝꠤꠍꠣ ꠝꠣꠔꠞ ꠈꠞꠦ ꠈꠞꠦ ꠊꠥꠞꠔꠣꠄ? (ꠍꠦꠟꠣ) 3 ꠝꠘꠅ ꠞꠣꠈꠤꠅ, ꠝꠣꠛꠥꠖꠦ ꠔꠣꠘ ꠀꠡꠤꠇ ꠛꠘ꠆ꠖꠣꠞꠦ ꠘꠤꠎꠞ ꠟꠣꠉꠤ ꠀꠟꠉ ꠇꠞꠍꠂꠘ, ꠔꠦ ꠀꠝꠤ ꠒꠣꠇꠟꠦꠃ ꠔꠣꠁꠘ ꠢꠥꠘꠂꠘ। 4 ꠔꠥꠝꠞꠣꠞ ꠞꠣꠉ-ꠉꠥꠍꠣꠞ ꠡꠝꠄ ꠇꠥꠘꠥ ꠉꠥꠘꠣ ꠇꠞꠤꠅ ꠘꠣ, ꠛꠤꠍꠘꠣꠔ ꠢꠥꠔꠤꠀ ꠖꠤꠟ ꠖꠤ ꠌꠤꠘ꠆ꠔꠣ ꠇꠞꠅ, ꠀꠞ ꠘꠤꠞꠣꠁ ꠕꠣꠇꠅ। (ꠍꠦꠟꠣ) 5 ꠙꠣꠇ-ꠙꠞꠦꠎꠉꠣꠞꠤꠞ ꠇꠥꠞꠛꠣꠘꠤ ꠀꠖꠣꠄ ꠇꠞꠅ, ꠝꠣꠛꠥꠖꠞ ꠃꠙꠞꠦ ꠡꠥꠟ꠆ꠟꠀꠘꠣ ꠜꠞꠡꠣ ꠞꠣꠈꠅ। 6 ꠛꠃꠔ ꠎꠘꠦ ꠇꠄ, “ꠀꠝꠞꠣꠞꠦ ꠇꠦꠉꠤꠄ ꠜꠣꠟꠣꠁꠞ ꠙꠕ ꠖꠦꠈꠣꠁꠛ?” ꠅ ꠝꠣꠛꠥꠖ, ꠔꠥꠝꠣꠞ ꠙꠛꠤꠔ꠆ꠞ ꠝꠥꠈꠞ ꠘꠥꠞꠞ ꠖꠤꠖꠣꠞ ꠈꠣꠘ ꠀꠝꠞꠣꠞ ꠘꠍꠤꠛ ꠅꠃꠇ। 7 ꠛꠦꠡ ꠇꠞꠤ ꠚꠄ-ꠚꠡꠟ ꠙꠣꠁꠀ ꠔꠣꠞꠣꠞ ꠎꠔ ꠚꠥꠞ꠆ꠔꠤ ꠎꠥꠉꠣꠄ, ꠁꠔꠣ ꠕꠣꠇꠤ ꠛꠃꠔ ꠛꠦꠡꠤ ꠚꠥꠞ꠆ꠔꠤ ꠔ ꠔꠥꠝꠤ ꠀꠝꠣꠞ ꠖꠤꠟꠅ ꠖꠤꠍ। 8 ꠀꠝꠤ ꠔ ꠡꠣꠄ-ꠡꠣꠘ꠆ꠔꠤ ꠀꠞ ꠀꠞꠣꠝꠦ ꠊꠥꠝꠣꠁ, ꠅ ꠝꠣꠛꠥꠖ, ꠈꠣꠟꠤ ꠔꠥꠝꠤꠃ ꠀꠝꠣꠞꠦ ꠛꠡꠔ ꠇꠞꠣꠅ ꠍꠢꠤ-ꠍꠣꠟꠣꠝꠔꠦ॥ |
© Ahle Kitab Society. All rights reserved.