ꠎꠛꠥꠞ ꠡꠞꠤꠚ 34 - Siloṭi Asmani Kitab (Nagri lipi)ꠀꠟ-ꠎꠛꠥꠞ ৩৪ א ꠀꠟꠦꠚ ꠢꠎꠞꠔ ꠖꠣꠃꠖꠞ ꠝꠤꠎꠝꠞ, ꠞꠣꠎꠣ ꠀꠛꠤꠝꠣꠟꠤꠇꠞ ꠍꠣꠝꠘꠦ ꠎꠦꠛꠟꠣ ꠙꠣꠉꠟ ꠛꠦꠡ ꠗꠞꠍꠟꠣ ꠀꠞ ꠔꠣꠘꠦ ꠈꠦꠖꠣꠁ ꠖꠤꠟꠣ, ꠔꠣꠁꠘꠅ ꠉꠦꠟꠣꠉꠤ, ꠅꠃ ꠡꠝꠄꠇꠥꠞ ꠝꠤꠎꠝꠞ। א ꠀꠟꠦꠚ 1 ꠢꠞ-ꠢꠣꠝꠦꠡꠣ ꠀꠝꠤ ꠝꠣꠛꠥꠖꠞ ꠔꠣꠞꠤꠚ ꠇꠞꠝꠥ, ꠔꠣꠘ ꠉꠥꠘꠉꠣꠘ ꠢꠣꠝꠦꠡꠣ ꠞꠁꠛ ꠝꠞ ꠝꠥꠈꠅ। ב ꠛꠦꠕ ב ꠛꠦꠕ 2 ꠀꠝꠣꠞ ꠎꠣꠘꠦ ꠛꠠꠣꠁ ꠇꠞꠦ ꠝꠣꠛꠥꠖꠞꠦ ꠟꠁꠀ, ꠖꠥꠈꠤ ꠎꠘꠦ ꠇꠞꠃꠇ ꠚꠥꠞ꠆ꠔꠤ ꠁꠔꠣ ꠢꠥꠘꠤꠀ। ג ꠉꠤꠝꠦꠟ ג ꠉꠤꠝꠦꠟ 3 ꠀꠝꠣꠞ ꠟꠉꠦ ꠝꠣꠛꠥꠖꠞ ꠉꠥꠘꠉꠣꠘ ꠇꠞꠅ, ꠀꠅ ꠢꠇ꠆ꠇꠟꠦ ꠄꠇꠟꠉꠦ ꠔꠣꠘ ꠘꠣꠝꠦ ꠔꠣꠞꠤꠚ ꠇꠞꠤ। ד ꠖꠣꠟꠦꠕ ד ꠖꠣꠟꠦꠕ 4 ꠀꠝꠤ ꠝꠣꠛꠥꠖꠞꠦ ꠒꠣꠇꠤꠍꠤ, ꠔꠣꠁꠘ ꠎꠥꠀꠙ ꠖꠤꠍꠂꠘ, ꠡꠛ ꠒꠞ-ꠈꠚ ꠕꠣꠇꠤ ꠔꠣꠁꠘ ꠀꠝꠣꠞꠦ ꠞꠇ꠆ꠇꠣ ꠇꠞꠍꠂꠘ। ה ꠢꠦ ה ꠢꠦ 5 ꠔꠣꠘ ꠛꠣꠄ ꠌꠣꠅ, ꠔꠥꠝꠞꠣ ꠘꠥꠞꠣꠘꠤ ꠅꠁꠎꠤꠛꠣꠄ, ꠔꠥꠝꠞꠣꠞ ꠝꠥꠈ ꠡꠞꠝ ꠙꠣꠁꠔ ꠘꠣꠄ। ז ꠎꠣꠁꠘ ז ꠎꠣꠁꠘ 6 ꠁ ꠇꠣꠋꠉꠣꠟꠞ ꠒꠣꠇ ꠝꠣꠛꠥꠖꠦ ꠢꠥꠘꠍꠂꠘ, ꠡꠛ ꠝꠍꠤꠛꠔ ꠕꠣꠇꠤ ꠔꠣꠁꠘ ꠛꠣꠌꠣꠁꠍꠂꠘ। ח ꠢꠦꠕ ח ꠢꠦꠕ 7 ꠝꠣꠛꠥꠖꠞ ꠀꠡꠤꠇꠞ ꠌꠣꠁꠞꠅꠛꠣꠄ ꠢꠦꠚꠣꠎꠔ ꠇꠞꠂꠘ ꠔꠣꠘ ꠚꠤꠞꠤꠡ꠆ꠔꠣꠄ, ꠖꠤꠀ ꠄꠞꠣꠞ ꠎꠣꠘ ꠛꠣꠌꠣꠄ। ט ꠐꠦꠕ ט ꠐꠦꠕ 8 ꠎꠣꠌꠣꠁ ꠇꠞꠤꠀ ꠖꠦꠈꠅ ꠝꠣꠛꠥꠖ ꠇꠔ ꠝꠦꠢꠦꠞꠛꠣꠘ, ꠛꠠ ꠇꠙꠣꠟꠤ ꠢꠃ ꠎꠘ ꠎꠦ ꠀꠡꠞꠄ ꠟꠄ ꠍꠣꠄꠀꠔ ꠔꠣꠘ। י ꠁꠃꠗ י ꠁꠃꠗ 9 ꠅ ꠝꠣꠛꠥꠖꠞ ꠙꠣꠇ ꠛꠘ꠆ꠖꠣ ꠅꠇꠟ, ꠔꠣꠘꠞꠦ ꠒꠞꠣꠅ, ꠔꠣꠞꠣꠞ ꠇꠥꠘꠥꠔꠣꠞ ꠅꠜꠣꠛ ꠘꠣꠁ ꠎꠣꠞꠣ ꠒꠞꠣꠄ। כ ꠇꠣꠚ כ ꠇꠣꠚ 10 ꠛꠟꠀꠟꠣ ꠡꠤꠋꠢꠞ ꠙꠣꠟ ꠈꠣꠘꠤꠞ ꠅꠜꠣꠛꠦ ꠃꠙꠣꠡ, ꠝꠣꠛꠥꠖꠞ ꠀꠡꠤꠇ ꠅꠇꠟꠞ ꠜꠣꠟꠣꠁꠞ ꠇꠥꠘꠥ ꠅꠜꠣꠛ ꠘꠣꠁ। ל ꠟꠣꠝꠦꠗ ל ꠟꠣꠝꠦꠗ 11 ꠅꠞꠦ ꠙꠥꠀ-ꠙꠥꠠꠤꠘ ꠀꠅ, ꠀꠝꠣꠞ ꠇꠕꠣ ꠢꠥꠘꠅ, ꠔꠥꠝꠞꠣꠞꠦ ꠝꠣꠛꠥꠖꠞ ꠒꠞ-ꠈꠚꠞ ꠇꠕꠣ ꠢꠤꠇꠣꠁꠝꠥ। מ ꠝꠦꠝ, נ ꠘꠥꠘ, ס ꠡꠣꠝꠦꠈ מ ꠝꠦꠝ, נ ꠘꠥꠘ, ס ꠡꠣꠝꠦꠈ 12 ꠎꠤꠘ꠆ꠖꠦꠉꠤꠔ ꠡꠥꠈ ꠌꠣꠄ ꠇꠥꠘ ꠎꠘꠦ, ꠡꠥꠖꠤꠘ ꠖꠦꠈꠣꠞ ꠀꠡꠣ ꠇꠞꠦ ꠇꠦ? 13 ꠔꠦ ꠢꠦ ꠛꠣꠖ ꠇꠕꠣ ꠕꠣꠇꠤ ꠎꠤꠚꠞꠣꠞꠦ ꠡꠣꠝꠟꠣꠃꠇ ꠍꠟ-ꠌꠔꠥꠞꠤ ꠕꠣꠇꠤ ꠑꠥꠐꠞꠦ, 14 ꠛꠣꠖ ꠇꠣꠝ ꠕꠣꠇꠤ ꠚꠤꠞꠤꠀ ꠜꠣꠟꠣ ꠇꠣꠝ ꠇꠞꠃꠇ, ꠡꠣꠘ꠆ꠔꠤꠞ ꠀꠡꠤꠇ ꠅꠁꠀ ꠄꠞ ꠈꠞꠦ ꠈꠞꠦ ꠞꠃꠇ। ע ꠀꠁꠘ ע ꠀꠁꠘ 15 ꠝꠣꠛꠥꠖꠞ ꠘꠎꠞ ꠔ ꠙꠞꠦꠎꠉꠣꠞꠞ ꠃꠙꠞꠦ, ꠔꠣꠞꠣꠞ ꠖꠥꠀ ꠢꠥꠘꠣꠞ ꠟꠣꠉꠤ ꠔꠣꠘ ꠇꠣꠘ ꠈꠣꠠꠣ ꠕꠣꠇꠦ। פ ꠙꠦ פ ꠙꠦ 16 ꠛꠣꠖ ꠇꠣꠝ ꠇꠞꠞꠣꠞ ꠃꠙꠞ ꠝꠣꠛꠥꠖꠞ ꠛꠖ ꠘꠎꠞ, ꠖꠥꠘꠤꠀ ꠕꠣꠇꠤ ꠚꠥꠍꠤꠟꠤꠛꠣ ꠘꠣꠝ-ꠘꠤꠡꠣꠘꠣ ꠔꠣꠞꠣꠞ। צ ꠍꠣꠗꠦ צ ꠍꠣꠗꠦ 17 ꠖꠤꠘꠖꠣꠞꠦ ꠚꠞꠤꠀꠖ ꠇꠞꠟꠦ ꠢꠥꠘꠂꠘ ꠝꠣꠛꠥꠖꠦ, ꠛꠣꠟꠣ-ꠝꠍꠤꠛꠔ ꠕꠣꠇꠤ ꠞꠇ꠆ꠇꠣ ꠇꠞꠂꠘ ꠔꠣꠞꠣꠞꠦ। ק ꠇꠚ ק ꠇꠚ 18 ꠝꠘ ꠎꠣꠞꠣꠞ ꠜꠣꠋꠉꠤ ꠉꠦꠍꠦ ꠝꠣꠛꠥꠖ ꠞꠂꠘ ꠔꠣꠞꠣꠞ ꠟꠉꠦ ꠟꠉꠦ, ꠖꠤꠟ ꠎꠣꠞꠣꠞ ꠌꠥꠞꠝꠣꠞ ꠅꠁꠍꠦ ꠝꠣꠛꠥꠖꠦꠃ ꠛꠣꠌꠣꠁꠘ ꠔꠣꠞꠣꠞꠦ। ר ꠞꠦꠡ ר ꠞꠦꠡ 19 ꠢꠇ ꠙꠕꠦ ꠎꠦ ꠌꠟꠦ ꠔꠣꠞ ꠛꠃꠔ ꠝꠍꠤꠛꠔ, ꠁꠔꠣ ꠕꠣꠇꠤ ꠝꠣꠛꠥꠖꠦꠃ ꠔꠣꠞꠦ ꠇꠞꠂꠘ ꠢꠦꠚꠣꠎꠔ। ש ꠡꠤꠘ ש ꠡꠤꠘ 20 ꠘꠤꠞꠣꠙꠖ ꠞꠣꠈꠂꠘ ꠔꠣꠁꠘ ꠔꠣꠞ ꠡꠛ ꠀꠒ꠆ꠒꠤꠞꠦ, ꠜꠣꠋꠉꠣ ꠅꠁꠔ ꠘꠣꠄ ꠔ ꠁꠔꠣ ꠇꠥꠘꠥꠐꠣꠞꠦ। ת ꠔꠣꠃ ת ꠔꠣꠃ 21 ꠈꠣꠞꠣꠙ ꠇꠣꠝꠞ ꠖꠣꠄ ꠅꠄ ꠘꠣꠚꠞꠝꠣꠘꠞ ꠝꠞꠘ ꠖꠡꠣ, ꠙꠞꠦꠎꠉꠣꠞꠞꠦ ꠁꠋꠡꠣꠄ ꠎꠣꠞꠣ, ꠡꠣꠎꠣ ꠙꠣꠁꠛ ꠔꠣꠞꠣ। 22 ꠝꠣꠛꠥꠖꠦ ꠃꠖ꠆ꠖꠣꠞ ꠇꠞꠂꠘ ꠔꠣꠘ ꠉꠥꠟꠣꠝ ꠅꠇꠟꠞꠦ, ꠔꠣꠘ ꠀꠡꠞꠄ ꠟꠄ ꠎꠣꠞꠣ, ꠡꠣꠎꠣ ꠖꠦꠁꠘ ꠘꠣ ꠁꠔꠣ ꠇꠦꠃꠞꠞꠦ॥ |
© Ahle Kitab Society. All rights reserved.