ꠎꠛꠥꠞ ꠡꠞꠤꠚ 3 - Siloṭi Asmani Kitab (Nagri lipi)

ꠀꠟ-ꠎꠛꠥꠞ ৩

ꠀꠙꠘ ꠙꠥꠀ ꠀꠛꠍꠣꠟꠝꠞ ꠍꠣꠝꠘ ꠕꠣꠇꠤ ꠜꠣꠉꠤꠛꠣꠞ ꠇꠣꠟꠅ ꠢꠎꠞꠔ ꠖꠣꠃꠖꠞ ꠝꠤꠎꠝꠞ।

¹ ꠅ ꠝꠣꠛꠥꠖ, ꠀꠝꠣꠞ ꠖꠥꠡꠝꠘꠞ ꠙꠞꠤꠝꠣꠘ ꠇꠔ ꠛꠣꠠꠤꠉꠦꠍꠦ, ꠖꠦꠈꠞꠣ ꠘꠤ, ꠇꠔ ꠝꠣꠘꠡꠦ ꠀꠝꠣꠞ ꠟꠉꠦ ꠟꠣꠉꠦꠞ।

² ꠀꠝꠣꠞ ꠛꠦꠙꠣꠞꠦ ꠇꠔ ꠎꠘꠦ ꠝꠣꠔꠤꠞꠣ, ꠇꠁꠞꠣ, ꠀꠟ꠆ꠟꠣꠞ ꠖꠞꠛꠣꠞꠅ ꠔꠣꠞ ꠎꠣꠘ ꠛꠣꠌꠣꠘꠤꠞ ꠙꠕ ꠘꠣꠁ। (ꠍꠦꠟꠣ)

³ ꠅꠁꠟꠦ ꠅ ꠝꠣꠛꠥꠖ, ꠈꠞꠞ ꠖꠥꠡꠝꠘ ꠕꠣꠇꠤ ꠔꠥꠝꠤꠃ ꠀꠝꠣꠞ ꠞꠁꠇ꠆ꠇꠣꠇꠣꠞꠤ, ꠔꠥꠝꠤꠃ ꠀꠝꠣꠞ ꠡꠣꠘ-ꠛꠠꠣꠁ, ꠛꠤꠙꠖꠞ ꠝꠣꠎꠦ ꠀꠝꠣꠞꠦ ꠡꠣꠅꠡ ꠖꠤꠞꠣꠄ।

⁴ ꠀꠝꠤ ꠎꠥꠞꠦ ꠎꠥꠞꠦ ꠝꠣꠛꠥꠖꠞꠦ ꠒꠣꠇꠤ, ꠘꠤꠎꠞ ꠙꠛꠤꠔ꠆ꠞ ꠙꠣꠠꠅ ꠕꠣꠇꠤ ꠀꠝꠣꠞ ꠀꠞꠎꠤ ꠢꠥꠘꠂꠘ। (ꠍꠦꠟꠣ)

⁵ ꠀꠝꠤ ꠢꠥꠔꠤꠟꠣꠝ, ꠢꠥꠔꠤꠀ ꠊꠥꠝꠣꠁꠟꠣꠝ, ꠛꠣꠖꠦ ꠢꠎꠣꠉꠅ ꠅꠁꠟꠣꠝ, ꠡ꠆ꠛꠄꠅꠋ ꠝꠣꠛꠥꠖꠦꠃ ꠀꠝꠣꠞꠦ ꠔꠣꠘ ꠇꠥꠟꠅ ꠑꠣꠁ ꠖꠦꠁꠘ।

⁶ ꠀꠝꠣꠞ ꠌꠣꠁꠞꠅꠛꠣꠄ ꠢꠣꠎꠣꠞꠦ ꠢꠣꠎꠣꠞ ꠖꠥꠡꠝꠘꠦ ꠛꠦꠞꠤꠀ ꠃꠛꠣꠁ ꠞꠁꠍꠦ, ꠃꠛꠣꠁꠟꠦꠅ ꠀꠝꠤ ꠁꠔꠣꠞꠦ ꠒꠞꠣꠁ ꠘꠣ।

⁷ ꠅ ꠝꠣꠛꠥꠖ, ꠎꠟꠖꠤ ꠇꠞꠅ! ꠅ ꠀꠝꠣꠞ ꠀꠟ꠆ꠟꠣ, ꠀꠝꠣꠞ ꠎꠣꠘ ꠛꠣꠌꠣꠅ! ꠔꠥꠝꠤ ꠔ ꠀꠝꠣꠞ ꠢꠇ꠆ꠇꠟ ꠖꠥꠡꠝꠘꠞ ꠝꠥꠈꠅ ꠊꠥꠡꠤ ꠝꠣꠞꠛꠣꠄ, ꠛꠎ꠆ꠎꠣꠔ ꠅꠇꠟꠞ ꠖꠣꠔ ꠜꠣꠋꠉꠤꠟꠤꠛꠣꠄ।

⁸ ꠎꠣꠘ ꠛꠣꠌꠣꠘꠤ ꠔ ꠝꠣꠛꠥꠖꠞꠃ ꠇꠣꠝ, ꠀꠙꠘ ꠙ꠆ꠞꠎꠣꠞ ꠃꠙꠞꠦ ꠔꠥꠝꠣꠞ ꠞꠢꠝ-ꠛꠞꠇꠔ ꠎꠣꠞꠤ ꠞꠃꠇ॥ (ꠍꠦꠟꠣ)