ꠎꠛꠥꠞ ꠡꠞꠤꠚ 121 - Siloṭi Asmani Kitab (Nagri lipi)ꠀꠟ-ꠎꠛꠥꠞ ১২১ ꠢꠎꠅ ꠎꠣꠅꠞꠣ ꠇꠣꠚꠦꠟꠣꠞ ꠇꠣꠅꠀꠟꠤ 1 ꠀꠝꠤ ꠌꠃꠈ ꠔꠥꠟꠤꠀ ꠙꠣꠠ-ꠙꠞꠛꠔꠞ ꠛꠣꠄ ꠌꠣꠁꠝꠥ, ꠀꠝꠣꠞ ꠡꠣꠄ-ꠡꠣꠁꠎ꠆ꠎ ꠇꠥꠀꠁ ꠕꠣꠇꠤ ꠀꠁꠛ? 2 ꠢꠃ ꠝꠣꠛꠥꠖꠞ ꠉꠦꠍ ꠕꠣꠇꠤꠃ ꠀꠝꠣꠞ ꠡꠣꠁꠎ꠆ꠎ ꠀꠁꠛ, ꠎꠦꠁꠘ ꠀꠍꠝꠣꠘ-ꠎꠝꠤꠘ ꠙꠄꠖꠣ ꠇꠞꠍꠂꠘ। 3 ꠔꠥꠝꠣꠞ ꠙꠣꠅꠞꠦ ꠔꠣꠁꠘ ꠙꠤꠍꠟꠣ ꠈꠣꠁꠔꠦ ꠖꠤꠔꠣ ꠘꠣꠄ, ꠔꠥꠝꠣꠞ ꠛꠣꠌꠣꠘꠦꠀꠟꠣ ꠔ ꠊꠥꠝꠣꠁꠔꠣ ꠘꠣꠄ। 4 ꠝꠘꠅ ꠞꠣꠈꠤꠅ, ꠛꠘꠤ ꠁꠍꠞꠣꠁꠟꠞꠦ ꠎꠦꠁꠘ ꠛꠣꠌꠣꠁꠘ, ꠔꠣꠁꠘ ꠊꠥꠝꠣꠁꠔꠣ ꠘꠣꠄ, ꠃꠋꠉꠣꠁꠔꠣꠅ ꠘꠣꠄ। 5 ꠝꠣꠛꠥꠖꠃ ꠔꠥꠝꠣꠞ ꠢꠦꠚꠣꠎꠔꠇꠣꠞꠤ, ꠔꠥꠝꠣꠞ ꠀꠡꠞꠄ ꠍꠣꠄꠀ, ꠔꠥꠝꠣꠞ ꠒꠣꠁꠘ ꠀꠔꠅ ꠗꠞꠤꠀ ꠔꠣꠁꠘ ꠀꠍꠂꠘ ꠈꠣꠠꠣ। 6 ꠖꠤꠘꠞ ꠛꠣꠟꠣꠄ ꠡꠥꠞꠥꠎꠦ ꠀꠞ ꠞꠣꠁꠔꠞ ꠛꠣꠟꠣꠄ ꠌꠣꠘ꠆ꠖꠦ, ꠇꠥꠘꠥꠔꠣꠄꠃ ꠔꠥꠝꠣꠞ ꠈꠦꠔꠤ ꠇꠞꠔ ꠘꠣꠄ। 7 ꠢꠇ꠆ꠇꠟ ꠘꠝꠥꠘꠣꠞ ꠛꠤꠙꠖ ꠕꠣꠇꠤ ꠝꠣꠛꠥꠖꠦꠃ ꠛꠣꠌꠣꠁꠛꠣ, ꠔꠣꠁꠘꠃ ꠔꠥꠝꠣꠞ ꠎꠣꠘꠞ ꠢꠦꠚꠣꠎꠔ ꠇꠞꠛꠣ। 8 ꠔꠥꠝꠣꠞ ꠌꠟꠣ-ꠚꠤꠞꠣꠞ ꠡꠝꠄ ꠊꠞꠅ-ꠛꠣꠁꠞꠦ ꠝꠣꠛꠥꠖꠦꠃ ꠛꠣꠌꠣꠁꠛꠣ, ꠅꠈꠘ ꠕꠣꠇꠤ ꠎꠥꠉꠦ ꠎꠥꠉꠦ ꠢꠞ-ꠢꠣꠝꠦꠡꠣ॥ |
© Ahle Kitab Society. All rights reserved.