ꠎꠛꠥꠞ ꠡꠞꠤꠚ 99 - Siloṭi Asmani Kitab (Latin lipi)

al-Zobur 99

¹ Mabude bashshai ḳoroin, zati oḳol ḳafouk, duio Karubimor maze tan ashon, duniae tortor ḳorouk.

² Fobitro Sion nogrir maze Mabud-u mohan, hoḳol zatir ufre tan ijjot-shomman.

³ Tara ḳorouk tumar gunogan, mohan ar boyonkor tumar nam, tara ḳouk, moha fobitro tain.

⁴ O bolala bashsha, hok bisarre bala fao tumi, hok-halali gatiso to mozbut ḳori, Iakubor bongshot boail ḳorso hok bisar ar forezgari.

⁵ Amrar Mabud Allar tarif ḳoro, soizda ḳoro tan ḳodom mubaroko, ḳo, moha fobitro tain.

⁶ Musa ar Harun asla tan imamotir ḳamo, Shamuel nobi-o roita tan dua-munazato, zuaf faita tara ḍakile Mabudor dorbaro.

⁷ Megor kuṭit roia tain matita tarar loge, tan kalam mania tara solta tan hukume.

⁸ O Alla amrar Mabud, tarar minoti tumi huntae, tarar ḳosurir bodla dile-o tumi Allae mafi ditae.

⁹ Amrar Mabud Allar tarif ḳoro, soizda ḳoro tan fobitro faṛo, amrar Mabud Alla to fak-fobitro.