ꠎꠛꠥꠞ ꠡꠞꠤꠚ 98 - Siloṭi Asmani Kitab (Latin lipi)

al-Zobur 98

¹ Mabudor name git-gozol gao noya noya, tain to ḳorsoin taijjubi kam zotota. Nizor ḍain ator kudroti bol dia, ḳorsoin ḳoto asanoḳ joyor lila-ḳela.

² Mabud tan uddar ḳam zanaisoin hoḳolre, tan hok kam deḳaisoin zati oḳlor sokur samne.

³ Tan doya-maya ar hok-halali, iad raḳsoin Boni Israilor lagi, dekise zogotor hesh shimanar manshe, amrar Mabudor uddar ḳora ḳamre.

⁴ Ore zogotbashi gao kushir gan Mabudor name, baiddo-baznar tale tale zure zure, tan gunogan gao tumra boṛo golaye.

⁵ Bina-behala bazaia tale tale gao gan, Mabudor tarif ḳori gozol-gan gao tan.

⁶ Tumra zure zure sunga ar shinga bazaia, Alla malikor samne gao kushi koria.

⁷ Tan tarife gorzia uṭouk boṛo golae, doria ar tar mazor hoḳoltae, erloge furti koro zogotor shob bashindae.

⁸ Gang oḳole kushi koro ator tali dia, furti koro eḳloge faṛ-forbot milia.

⁹ Mabudor samne gao kushie gola faṭaia, duniar bisar ḳorat shoyong Mabud aira, hok bisar ḳorba tain hok-halal roia, hoḳol zatir bisar ḳorba hok-insaf dia.