ꠎꠛꠥꠞ ꠡꠞꠤꠚ 97 - Siloṭi Asmani Kitab (Latin lipi)

al-Zobur 97

¹ Mabude bashshai ḳoroin, duniae ḳorouk furti, dur-durantor dif oḳol ouk moha kushi.

² Tan sairobae ase to goin andair ar ḳalni, tan godir bit oilo hok bisar ar forezgari.

³ Aguin zae tan age age, zalaia mare tan sairo galar dushmonre.

⁴ Tan zilkie for oizae hara dunia, ita dekia asta zogot uṭe ḳafia.

⁵ Din-duniar malik Allar samne, faṛ-forbot oḳol momor laḳan gole.

⁶ Asman oḳole elan ḳore tan forezgari, hoḳol zatie deḳe tan mohimar bahaduri.

⁷ Oshaṛ deb-debir boṛai ḳore zara, shorom-loijja fauk ota murti pujarira, Allar samne soizda ḳorouk ou deb-debira.

⁸ Tumar hok bisaror ḳota hunia Sion oilo kushi, Ehuda deshor gau-gerame ḳorer to furti.

⁹ Tumi Mabud to hara zogotor uforala, hoḳol deb-debir bout ufre tumar ṭikana.

¹⁰ Naformanire ginnao tumra Mabudor ashik zara, allaoalar zan basain naformanor at takia.

¹¹ Forezgaror lagi baṛe nuror kuṛi-fata, ḳaṭi dilor bitre to oy kushi-furti deoa.

¹² Forezgar zon furti koro Mabudor name, tan fak-fobitrotar gunogan gao hoḳole.