ꠎꠛꠥꠞ ꠡꠞꠤꠚ 6 - Siloṭi Asmani Kitab (Latin lipi)

al-Zobur 6

Hozrot Daudor mizmor.

¹ Damki dio na go Mabud gusa ḳoria, shaza dio na more rag ḳoria.

² Doya ḳoro amae Mabud hukai zaiar ami, bemar shifa ḳoro tumi ḳafer mor aḍḍi.

³ Ḍoror suṭe amar zan doṛfoṛ doṛfoṛ ḳore, ar ḳotodin solbo ila mor zibone?

⁴ Firia sao go Mabud basao amar zan, tumar doyar duai lage ḳoro mor asan.

⁵ Morar bade tumare to ḍaḳar nai ufae, fatalo hamanir bade tumar gunogan ḳe gae?

⁶ Ḳandi ḳandi amar bisna forti rait bizailai, amar souḳor fanie bisna-balish bizia zae,

⁷ dilor duke amar souk hukai zar, dushmonor ḍore souk amar ḳomzur boniar.

⁸ Amar ges taki bago hoḳol naforman, Mabude to hunchoin amar dilor ḳandon.

⁹ Furafur hunchoin tain amar minoti, ḳobul ḳorsoin tain amar arzi.

¹⁰ Amar hokkol dushmon ḍoror suṭe ḳafouk, shorom faia oḳon-u amar fis saṛouk.