ꠎꠛꠥꠞ ꠡꠞꠤꠚ 4 - Siloṭi Asmani Kitab (Latin lipi)

al-Zobur 4

Hozrot Daudor mizmor.

¹ O Alla, amar ḍaḳo ḳan dio, amare nirdush ḳoia tumi to zair ḳorso. Mosibotor ḳalo tumi amar zano aram diso, meherbani koria amar dua kobul ḳoro.

² O manush oḳol, amar ijjotre tumra ar ḳotodin beijjot ḳortae, ḳotodin beḳama mator mayat roitae, misa mator ḳore ḳore gurtae? (Sela)

³ Mono rakio, Mabude tan ashik bondare nizor lagi alog korsoin, te ami ḍaḳle-u tain hunoin.

⁴ Tumrar rag-gusar shomoy kunu guna ḳorio na, bisnat hutia dil di sinta ḳoro, ar nirai taḳo. (Sela)

⁵ Fak-forezgarir kurbani adae ḳoro, Mabudor ufre shullo-ana borosha raḳo.

⁶ Bout zone ḳoy, “Amrare ḳegie balair fot deḳaibo?” O Mabud, tumar fobitro mukor nuror didar ḳan amrar nosib ouk.

⁷ Besh ḳori foy-foshol faia tarar zoto furti zugae, ita taki bout beshi furti to tumi amar dilo diso.

⁸ Ami to shae-shanti ar arame gumai, O Mabud, ḳali tumi-u amare boshot ḳorao sohi-salamote.