ꠎꠛꠥꠞ ꠡꠞꠤꠚ 24 - Siloṭi Asmani Kitab (Latin lipi)

al-Zobur 24

Hozrot Daudor mizmor.

¹ I zogot ar zogotor hokkolta-u Mabudor, dunia ar duniar bashinda oḳol to tan.

² Tain doriar fanir ufre duniar bit boail ḳorla, gang-kalor ufre ian kuṭi boaila.

³ Ḳe gia Mabudor faṛor ufre uṭito, tan fak-fobitro mukamo kun jon ḳaṛa roibo?

⁴ Hou zon-u to, zar at ni-oforadi, zar dil fak-saf; he zogotor maya zalo bondi nae, ar ṭogaṭogir niote ḳosom ḳae na.

⁵ He-u faibo Allar torof taki rohom-borkot, tar zan basaora malikor ges taki be-ḳosur ḳalas faibo.

⁶ Era-u oila tan ashik bondar dol, tumar didar faito sae, O Iakubor Alla. (Sela)

⁷ O geiṭ oḳol, mata usa ḳoro, usa oizao, O sirostayi duar oḳol, zalal-shanor bashshae toshrif anilaukka.

⁸ Ou zalal-shanor bashsha ḳe? Boloban ar foyluan Mabud, laṛai-zuddot foyluan Mabud.

⁹ O geiṭ oḳol, mata usa ḳoro, usa o, O sirostayi duar oḳol, zalal-shanor bashshae toshrif anilaukka.

¹⁰ Zalal-shanor ou bashsha ḳe? Sifai dol oḳlor kamanḍar Mabud, tain-u zalal-shanor bashsha. (Sela)