ꠎꠛꠥꠞ ꠡꠞꠤꠚ 2 - Siloṭi Asmani Kitab (Latin lipi)

al-Zobur 2

¹ Hokkol zatie ḳene ostir oia sillaira, kior lagi manshe behuda fondi korer?

² Zogotor bashsha oḳol bigṛi gelo, raza oḳol ekkano dola oilo, Mabudor birudde ar tan al-Mosir birudde.

³ Era dola oia ḳoilo, ao, siṛia falai tarar ḍanḍa-beṛi, tarar bandon kulia shadin boni.

⁴ Arshe-azimor kursit boia Mabude ashoin, tain itare loia moshkora ḳoroin.

⁵ Tan gorom deḳaia befana lagaiba, ar gusae aguin oia otare ḳoiba,

⁶ ami shoyong amar bashshare boail ḳorsi, amar fobitro Sion faṛor ufre.

⁷ Ar hou bashshae ḳoira, ami kali Mabudor ou hukum zanai, tain amare ḳoisoin, tumi to amar fut, aiz-u ami tumar bafor laḳan oilam.

⁸ Tumi amar gese sao, saile zogotor hokkol zati tumar-u oibo, duniar hesh matar doḳol-o faibae,

⁹ tumi luar laṭi dia itare bangibae, maṭir fatilor laḳan surmar ḳorbae.

¹⁰ O raza oḳol, shoṭik aḳol ḳaṭao, zogotor shashok oḳol, hushiar ro,

¹¹ dilor ḍor-ḳofe Mabudor ebadot ḳoro, ḳafi ḳafi

¹² tan kudroti ḳodomo suma deo, tain to sokur foloke gusae zolia uṭoin, gusae tan gozob nazil ḳorle, tumra maz-foto aḳta-u binash oibae. Tara-u to boṛo ḳofali, zera tan sayat asroy loin.