ꠎꠛꠥꠞ ꠡꠞꠤꠚ 121 - Siloṭi Asmani Kitab (Latin lipi)

al-Zobur 121

Hojo zaora kafelar ḳaoali

¹ Ami souk tulia faṛ-forbotor bae saimu, amar shae-shaijjo kuai taki aibo?

² Hou Mabudor ges taki-u amar shaijjo aibo, zein asman-zomin foyda ḳorsoin.

³ Tumar faore tain fisla ḳaite dita nae, tumar basaneala to gumaita nae.

⁴ Mono rakio, Boni Israilre zein basain, tain gumaita nae, ungaita-o nae.

⁵ Mabud-u tumar hefazotḳari, tumar asroy saya, tumar ḍain ato doria tain asoin ḳaṛa.

⁶ Dinor balae shuruze ar raitor balae sande, kunutae-u tumar ḳeti korto nae.

⁷ Hokkol nomunar bifod taki Mabude-u basaiba, tain-u tumar zanor hefazot ḳorba.

⁸ Tumar sola-firar shomoy goro-baire Mabude-u basaiba, oḳon taki zuge zuge hor-hamesha.