ꠎꠛꠥꠞ ꠡꠞꠤꠚ 12 - Siloṭi Asmani Kitab (Latin lipi)

al-Zobur 12

Hozrot Daudor mizmor.

¹ O Mabud, zane basaukka, oḳon ar nai kunu ashik bonda, adom zatir maze hok kunu zon tukaia miler na.

² Forteḳe-u eḳe-oinne misa mat mate, ḳali fam-foṭṭi mare ar munafiki kore.

³ O Mabud, fam-foṭṭi marra hokkol ṭuṭ ḳaṭia falao, boṛai-beṭagiri deḳaorar zifra tumi kaṭilao.

⁴ Tara ḳoy, “Zitimu nichchit amrar zifrar bole, ar ḳegu oibo saloḳdar nizor ṭuṭ taḳte?”

⁵ “Gorib-dukir zulum dekia ami Mabud ubaimu, nirufayor dilor ḳandon ami nichchit hunimu. Shay-shantie din ḳaṭaito zara dile-zane sae, tarar asha ḳormu furon ami Allae.”

⁶ Mabudor zobano to kunu ḳad nai, ḳosṭi-fattoro zela rufa oy zasai, shatbaror aguindi saf ḳora rufa, tan zoban ḳaṭi nikut-nikad ola.

⁷ O Mabud, tumi nichchoy amrar bae saibae, ola manshor at taki siroḳal basaibae.

⁸ Naforman-bojjate zebla sairobaedi gure, adom zatir maze obola ḳarafi ḳam baṛe.