ꠔꠃꠞꠣꠔ ১: ꠙꠄꠖꠣ ꠘꠣꠝꠣ 5 - Siloṭi Asmani Kitab (Latin lipi)

Hozrot Adom (a:)or ḳandan-nama

¹ Ita oilo Adomor ḳandanor ḳolombondi boyan. Manush foyda ḳorar shomoy Allae tan nizor surote foyda ḳorla.

² Foyda ḳorla beṭa ar beṭi, ar tarare Mabude borkot dila, foyda ḳoria nam raḳla Adom.

³ Adomor eḳ-sho tish boros boyosho tan loge mil rakia tan surote eḳ fua oilo. Tain er nam raḳla Shish.

⁴ Shishor zonmor bade Adom aro aṭ-sho boros basla, er maze tan aro fua-fuṛin oisil.

⁵ Muṭ noy-sho tish boros zinda taḳar bade Adom mara gela.

⁶ Shishor eḳ-sho fas boros boyosho tan fua Anushor zonom oilo.

⁷ Anushor zonmor bade Shish aro aṭ-sho shat boros basla. Er maze tan aro fua-fuṛi oisil.

⁸ Muṭ noy-sho baro boros basar bade Shish mara gela.

⁹ Anushor nobboi boros boyosho tan fua Kinanor zonom oilo.

¹⁰ Kinanor zonmor bade Anush aro aṭ-sho fonro boros basla. Er maze tan aro fua-fuṛi oisil.

¹¹ Muṭ noy-sho fas boros basar bade Anush mara gela.

¹² Kinanor shottoir boros boyosho tan fua Maholailor zonom oilo.

¹³ Maholailor zonmor bade Kinan aro aṭ-sho sallish boros basla. Er maze tan aro fua-fuṛi oisil.

¹⁴ Muṭ noy-sho dosh boros basar bade Kinan mara gela.

¹⁵ Maholailor foyshoṭṭi boros boyosho tan fua Iaredor zonom oilo.

¹⁶ Iaredor zonmor bade Maholail aro aṭ-sho tish boros basla. Er maze tan aro fua-fuṛi oisil.

¹⁷ Muṭ aṭ-sho fosanobboi boros basar bade Maholail mara gela.

¹⁸ Iaredor eḳ-sho bashoṭṭi boros boyosho tan fua Idrisor zonom oilo.

¹⁹ Idrisor zonmor bade Iared aro aṭ-sho boros basla, er maze tan aro fua-fuṛi oisil.

²⁰ Muṭ noy-sho bashoṭṭi boros basar bade Iared mara gela.

²¹ Idrisor foyshoṭṭi boros boyosho tan fua Matushalaḳor zonom oilo.

²² Matushalaḳor zonmor bade tin-sho boros forzonto, Allar loge Idrisor ḳas didar asil. Er maze tan aro fua-fuṛi oisil.

²³ Idris muṭ tin-sho foyshoṭṭi boros duniait asla.

²⁴ Erbade tane ar deḳa gelo na. Allar loge tan ḳas didar asil gotike Allae tanre zinda halote nizor gese nilagi.

²⁵ Matushalaḳor eḳ-sho shatashi boros boyosho tan fua Lamaḳor zonom oilo.

²⁶ Lamaḳor zonmor bade Matushalaḳ aro shat-sho birashi boros basla. Er maze tan aro fua-fuṛi oisil.

²⁷ Muṭ noy-sho unushottoir boros basar bade Matushalaḳ mara gela.

²⁸ Lamaḳor eḳ-sho birashi boros boyosho tan eḳ fua oilo.

²⁹ Tain er nam raḳla Nuh ar ḳoila, “He amrar ator i duḳ-mosibotor ḳam taki, Mabudor lannoti zomin taki oḳon aram dibo.”

³⁰ Nuhor zonmor bade Lamaḳ aro fas-sho fosanobboi boros basla, er maze tan aro fua-fuṛi oisil.

³¹ Muṭ shat-sho shatottoir boros basar bade Lamaḳ mara gela.

³² Nuhor fas-sho boros boyoshor bade tan fuain Sham, Ham ar Iafetor zonom oilo.