ꠎꠛꠥꠞ ꠡꠞꠤꠚ 3 - ছিলটি আছমানি কিতাব (বাংলা লিপি)

আল-জবুর ৩

আপন পুয়া আবছালমর ছামন থাকি বাগিবার কালো হজরত দাউদর মিজমর।

¹ ও মাবুদ, আমার দুশমনর পরিমান কত বাড়িগেছে, দেখরা নি, কত মানষে আমার লগে লাগের।

² আমার বেয়াপারে কত জনে মাতিরা, কইরা, আল্লার দরবারো তার জান বাচানির পথ নাই। (ছেলা)

³ অইলে ও মাবুদ, খরর দুশমন থাকি তুমিউ আমার রইক্ষাকারি, তুমিউ আমার শান-বড়াই, বিপদর মাজে আমারে সাওস দিরায়।

⁴ আমি জুরে জুরে মাবুদরে ডাকি, নিজর পবিত্র পাহাড়ো থাকি আমার আরজি হুনইন। (ছেলা)

⁵ আমি হুতিলাম, হুতিয়া ঘুমাইলাম, বাদে হজাগও অইলাম, স্বয়ং মাবুদেউ আমারে তান কুলো ঠাই দেইন।

⁶ আমার চাইরোবায় হাজারে হাজার দুশমনে বেরিয়া উবাই রইছে, উবাইলেও আমি ইতারে ডরাই না।

⁷ ও মাবুদ, জলদি করো! ও আমার আল্লা, আমার জান বাচাও! তুমি তো আমার হক্কল দুশমনর মুখো ঘুষি মারবায়, বজ্জাত অকলর দাত ভাংগিলিবায়।

⁸ জান বাচানি তো মাবুদরউ কাম, আপন প্রজার উপরে তুমার রহম-বরকত জারি রউক॥ (ছেলা)