ꠎꠛꠥꠞ ꠡꠞꠤꠚ 1 - ছিলটি আছমানি কিতাব (বাংলা লিপি)

জবুর শরিফর পয়লা ছিপারা (জবুর ১-৪১) আল-জবুর ১

¹ সুখি হউ জন, নাফরমানর ছাল্লায় যে চলে না, পাপীর পথো যে উবায় না, মশকরা কররার আড্ডাত বয় না।

² অইলে মাবুদর দেওয়া হেদায়তউ তার খুশি, ই হেদায়তরে ধিয়ান করে হে দিন-রাইত ধরি।

³ তার জিন্দেগি তো পানির ফুতর ধারর গাছর লাখান, যে গাছে সঠিক সময়ে ফল ধরে, খরার দিনো তার পাতা হুকায় না, হে যেতাতউ আত দেয়, অতাতউ লাভবান অয়।

⁴ অইলে খবিছ-বজ্জাতর চলা তো অলা নায়, ইতার জিন্দেগি ধানর ছুছার লাখান বাতাসে উড়ে।

⁵ হাশরর দিন উবাইতো তারার অলা সাওস নাই, পাক-পরেজগারর মজলিছো নাফরমানর নাই কুনু ঠাই।

⁶ পরেজগার বন্দার চলা-ফিরার পথো মাবুদে নজর রাখইন, অইলে খবিছ-বজ্জাতর পথো আছে সর্বনাশ॥