Tihlabelelo 87 - Siswati 1996 Bible

Emalungelo ekuba ngewaseSiyoni

Sihlabelelo sentalelwane yaKhora.

¹ Simakadze ubeke likhaya lakhe etikwentsaba lengcwele.

² Emasango aseSiyoni uwatsandza kakhulu kunayo yonkhe imiti yakaJakobe.

³ Maye, kuhle loko lokukhulunywa ngawe, wena khaya laNkulunkulu: Cabanga.

⁴ “Ngibala iRahabi neBhabhulona, emkhatsini walabo labangatiko. Yebo, emaFilisti, nebaseThire, nebaseKushe, bonkhe labo bantfu batalelwa eSiyoni.”

⁵ NgeSiyoni kuyawukhulunywa kutsiwe: “Lona nalona batalelwa lapho, ngobe Losetikwako Konkhe uyayicinisa.”

⁶ Simakadze uyawutibhalisa tonkhe tive atsi: “Lesi satalelwa eSiyoni.” Cabanga.

⁷ Bahlabeleli nebadlali ngalokufanako batsi: “Yonkhe imitfombo yami ikuwe.”