Tihlabelelo 82 - Siswati 1996 Bible

Nkulunkulu wehlulela ngekulunga

Sihlabelelo sa-Asafa.

¹ Nkulunkulu ukhuluma emhlanganweni lomkhulu, wehlulela bonkulunkulu utsi:

² “Kutawuze kube ngunini nehlulela ngalokungakalungi nikhetsa tindlubu nishiye tinkhobe? Cabanga.

³ “Vikelani emalungelo alabamphofu netintsandzane, nimele emalungelo alabacindzetelwe nalabeswele.

⁴ Bephuleni labamphofu nalabeswele, nibakhulule esandleni salababi.

⁵ “Abati lutfo, abacondzi lutfo, badvukuta ebumnyameni; tonkhe tisekelo temhlaba tiyatanyatanyiswa.

⁶ Ngatsi kini: ‘Nibonkulunkulu nine; nonkhe ningemadvodzana aLosetikwako Konkhe.’

⁷ Nome kunjalo, niyakufa njengebantfu bonkhe, niphele njengato tonkhe tikhulu.”

⁸ Vuka-ke, Nkulunkulu, wehlulele umhlaba, ngobe nguwe umnikati wetive tonkhe.