Tihlabelelo 70 - Siswati 1996 Bible

Umthandazo wekucela kukhululeka

Sihlabelelo saDavide lesisikhumbuto; setfulwe kumhlabelisi.

¹ Hhawu, Nkulunkulu! Phutfuma ungikhulule! Hhawu, Simakadze! Phutfuma ungisite!

² Abahlazeke bajabhe labo labafuna kuphila kwami nalabo labafuna kungibulala. Abancandzekiswe bahlazekile labo labangifisela kutsi ngife.

³ Labo labangicoloshelako batsi: “Walayeka!” Shangatsi bangancandvwa ngemahloni.

⁴ Bonkhe labafuna wena abajabule batfokote kuwe! Nalabo labatsandza insindziso yakho abasho njalonjalo batsi: “Mkhulu Nkulunkulu!”

⁵ Kodvwa mine ngihluphekile futsi ngeswele, ngiphutfume, Nkulunkulu. Nguwe lolusito lwami nemkhululi wami. Awu, Simakadze, shesha, ungalibali.