Tihlabelelo 67 - Siswati 1996 Bible

Tive tikhutsatwa kutsi tidvumise Nkulunkulu

Sihlabelelo lesiyingoma lesetfulwe kumhlabelisi kutsi sihlatjelwe ngetingubhu letinetintsambo.

¹ Shangatsi Nkulunkulu angaba nemusa kitsi, asibusise, akhanyise buso bakhe etikwetfu. Cabanga.

² Indlela yakho ayatiwe emhlabeni wonkhe, kwatiwe nensindziso yakho etiveni tonkhe.

³ Tive atidvumise wena, Nkulunkulu, tonkhe tive atidvumise wena.

⁴ Tive atihlabele ngenjabulo, ngobe wehlulela tive ngebucotfo, uhole tonkhe tive temhlaba. Cabanga.

⁵ Tive atidvumise wena, Nkulunkulu, tonkhe tive atidvumise wena.

⁶ Umhlaba waba nesivuno lesihle senala, Nkulunkulu, longuNkulunkulu wetfu, usibusisile.

⁷ Nkulunkulu usibusisile, yonkhe imikhawulo yemhlaba ayesabe yena.