Tihlabelelo 47 - Siswati 1996 Bible

Nkulunkulu uyiNkhosi yemhlaba wonkhe

Sihlabelelo sentalelwane yaKhora lesetfulwe kumhlabelisi.

¹ Nonkhe nine tive, shayani tandla. Hlokomani, nidvumise Nkulunkulu!

² Ngobe Simakadze, Losetikwako Konkhe uyesabeka, uyiNkhosi lenkhulu etikwemhlaba wonkhe.

³ Wagoba tive, netinhlanga tasikhotsamela, sahamba etikwato ngetinyawo.

⁴ Wasikhetsela live letfu kutsi libe lifa letfu, leliligugu nakuJakobe lotsandvwa nguNkulunkulu. Cabanga.

⁵ Nkulunkulu ukhuphuke ngenhlokomo, Simakadze wenyuke nakukhala licilongo.

⁶ Dvumisani Nkulunkulu! Dvumisani! Yidvumiseni iNkhosi yetfu! Yidvumiseni!

⁷ Ngobe Nkulunkulu uyiNkhosi yemhlaba wonkhe, mdvumiseni ngetihlabelelo.

⁸ Nkulunkulu ubusa etikwetive, Nkulunkulu uhleti esihlalweni sakhe lesingcwele sebukhosi.

⁹ Tikhulu tetive tibutsene ndzawonye njengesive saNkulunkulu wa-Abrahama, ngobe tihlangu temhlaba taNkulunkulu. Waphakanyiswa, ubabateka kakhulu!