Tihlabelelo 26 - Siswati 1996 Bible

Umkhuleko wemuntfu lomsulwa

Sihlabelelo saDavide.

¹ Hhawu, Simakadze! Ngehlulele, utewubona kutsi ngimsulwa. Ngetsembele kuSimakadze ngaphandle kwekungabata.

² Simakadze, ngihlole ungivivinye, uhlolisise inhlitiyo yami nengcondvo yami.

³ Umusa wakho usembikwami njalo, ngihamba ecinisweni lakho.

⁴ Angihambisani nebantfu bemanga, futsi anginabudlelwane nebatentisi.

⁵ Ngiyayitondza inhlangano yalababi, futsi angihlali nalababi.

⁶ Yebo, Simakadze, ngigeza tandla tami, ngingenacala, ngihambahamba ngaselatini lakho,

⁷ kuze ngihlabele ingoma yekubonga ngibalise ngato tonkhe timangaliso takho.

⁸ Yebo, Simakadze, ngitsandza indlu lohlala kuyo, lapho kuhlala inkhatimulo yakho khona.

⁹ Umphefumulo wami ungawulahli kanye netoni, nekuphila kwami ungakulahli kanye nebabulali.

¹⁰ Labantfu benta lokubi njalo, tandla tabo tesekudla tigcwele imidizo.

¹¹ Kodvwa mine ngihamba ngebucotfo, ngikhulule, ube nemusa kimi.

¹² Lunyawo lwami lume endzaweni lephephile. Simakadze ngiyawumdvumisa emibikwemabandla lamakhulu.