Tihlabelelo 149 - Siswati 1996 Bible

Ingoma yekuncoba

Haleluya, dvumisani Simakadze!

¹ Simakadze mhlabeleleni ingoma lensha, nimdvumise ebandleni lalabangcwele.

² Israyeli akajabule ngenca yeMdali wakhe, bantfu beSiyoni batfokote ngeNkhosi yabo.

³ Abadvumise ngekugidza nangesigubhu nangehabhu.

⁴ Simakadze uyasijabulela sive sakhe, labatitfobako ubapha umchele wekuncoba.

⁵ Labangcwele abahlabele ngebukhosi, bahlabele ngenjabulo bonkhe busuku.

⁶ Shangatsi emaphimbo abo angadvumisa Nkulunkulu, netandla tabo tihlome inkemba lekhalipha tinhlangotsi totimbili.

⁷ Khona batewuphindzisela kubetive, bajezise nebahedeni,

⁸ babophe nemakhosi abo ngemaketane, netikhulu tabo batibophe ngabozankosi,

⁹ batewufeza sijeziso sabo njengobe kubhaliwe. Loku kuludvumo lwalabangcwele bakhe bonkhe. Haleluya, dvumisani Simakadze!