Tihlabelelo 14 - Siswati 1996 Bible

Bulima nenkhohlakalo yemuntfu

Sihlabelelo saDavide lesetfulwe kumhlabelisi.

¹ Silima sikhuluma enhlitiyweni yaso sitsi: “Kute Nkulunkulu la.” Babi, benta emanyala, kute nome munye lowenta lokulungile.

² Simakadze utsi asezulwini abe abuka bonkhe bantfu, kuze atewubona kutsi ukhona yini umuntfu lohlakaniphile, nome munye nje, lofuna Nkulunkulu.

³ Bonkhe bedukile, bonkhe bonakele, kute lowenta lokulungile; kute, kute ngisho nome munye.

⁴ Pho, bate yini lwati bonkhe labantfu labenta lokubi? Badla emandla ebantfu bami shangatsi badla sinkhwa, bangathandazi kuSomandla.

⁵ Bayawufikelwa kwesaba lokukhulu, ngobe Nkulunkulu ume nalabacotfo.

⁶ Ningabagongonyi labacindzetelwe, nibaphatamise etindleleni tabo, kodvwa Simakadze usiphephelo sabo.

⁷ Shangatsi ingavela eSiyoni insindziso yesive sema-Israyeli. Mhlazana Nkulunkulu acedza lusizi lwebantfu bakhe, aphindze abahlumelelisa, Jakobe uyawujabula, Israyeli atfokote.