Tihlabelelo 136 - Siswati 1996 Bible

Umthandazo wekubonga umusa waSimakadze

¹ Bongani Simakadze, ngobe muhle, ngobe umusa wakhe ume kuze kube phakadze.

² Bongani Nkulunkulu wabonkulunkulu, ngobe umusa wakhe ume kuze kube phakadze.

³ Bongani iNkhosi yemakhosi, ngobe umusa wakhe ume kuze kube phakadze.

⁴ Nguye yedvwa lowenta timangaliso letinkhulu, ngobe umusa wakhe ume kuze kube phakadze.

⁵ Nguye lowenta emazulu ngekuhlakanipha kwakhe, ngobe umusa wakhe ume kuze kube phakadze.

⁶ Nguye lowendlala umhlaba etikwemanti, ngobe umusa wakhe ume kuze kube phakadze.

⁷ Wenta tibane letinkhulu, ngobe umusa wakhe ume kuze kube phakadze.

⁸ Wenta kutsi lilanga libuse imini, ngobe umusa wakhe ume kuze kube phakadze,

⁹ nekutsi inyanga netinkhanyeti kubuse busuku, ngobe umusa wakhe ume kuze kube phakadze.

¹⁰ Nguye lowabhubhisa ematubulo aseGibhithe, ngobe umusa wakhe ume kuze kube phakadze.

¹¹ Wahola Israyeli wamkhipha emkhatsini wawo, ngobe umusa wakhe ume kuze kube phakadze;

¹² ngesandla lesinemandla nengalo leyeluliwe, ngobe umusa wakhe ume kuze kube phakadze.

¹³ Nguye lowehlukanisa kabili Lwandle Lolubovu, ngobe umusa wakhe ume kuze kube phakadze.

¹⁴ Wewelisa ema-Israyeli ekhatsi nalo, ngobe umusa wakhe ume kuze kube phakadze.

¹⁵ Wacitsa Faro nemphi yakhe ngalo, ngobe umusa wakhe ume kuze kube phakadze.

¹⁶ Nguye lowahola sive sakhe ehlane, ngobe umusa wakhe ume kuze kube phakadze.

¹⁷ Wabhubhisa emakhosi lamakhulu, ngobe umusa wakhe ume kuze kube phakadze.

¹⁸ Wabulala nemakhosi lanemandla, ngobe umusa wakhe ume kuze kube phakadze.

¹⁹ Wabulala Sihoni, inkhosi yema-Amori, ngobe umusa wakhe ume kuze kube phakadze.

²⁰ Wabulala na-Ogi, inkhosi yase-Bhashani, ngobe umusa wakhe ume kuze kube phakadze.

²¹ Wephana ngelive labo laba lifa, ngobe umusa wakhe ume kuze kube phakadze,

²² laba lifa la-Israyeli, inceku yakhe, ngobe umusa wakhe ume kuze kube phakadze.

²³ Nguye lowasikhumbula ekwehlulekeni kwetfu, ngobe umusa wakhe ume kuze kube phakadze.

²⁴ Wasikhulula etitseni tetfu, ngobe umusa wakhe ume kuze kube phakadze.

²⁵ Nguye lowondla bonkhe bantfu netilwane tonkhe, ngobe umusa wakhe ume kuze kube phakadze.

²⁶ Bongani Nkulunkulu welizulu, ngobe umusa wakhe ume kuze kube phakadze.