Tihlabelelo 131 - Siswati 1996 Bible

Kudvudvuteka njengemntfwana kuSimakadze

Ingoma yaDavide yekuya emikhosini.

¹ Simakadze, inhlitiyo yami ayitigabatisi, nemehlo ami akaphakanyiswa ngumgcabho. Angitilibatisi ngetintfo letibonakala titinkhulu kimi nome letisimangaliso kakhulu kimi.

² Umphefumulo wami wenelisekile kuwe; njengemntfwana lolunyulwe kunina, unjalo umphefumulo wami kimi.

³ Israyeli yetsembela kuSimakadze, kusukela manje kuze kube phakadze.