Tihlabelelo 130 - Siswati 1996 Bible

Kwetsemba kuhlengwa nguNkulunkulu (Sihlabelelo sesitfupha sekutisola)

Ingoma yekuya emikhosini.

¹ Nangisekujuleni kwetinhlupheko, ngikhala kuwe, Simakadze.

² Vani kukhala kwami, Simakadze, ngive nangicela lusito kuwe.

³ Kube wena, Simakadze, bewusibalela tono tetfu, ngubani labengaphunyula, angalahlwa?

⁴ Kodvwa wena uyasitsetselela, kuze sitewuhlala ngekukwesaba.

⁵ Lusito lwaSimakadze, ngilubheke ngalabovu, umphefumulo wami uyawumlindzela. Ngiyaletsemba livi lakhe.

⁶ Umphefumulo wami ubheke Simakadze ngemehlo labovu. Ngimlindzele kwengca bomantjingelane nabalindzele kudzabuka kwekusa, yebo, kwendlula bomantjingelane nabalindzele kudzabuka kwekusa.

⁷ Israyeli, yetsembela kuSimakadze, ngobe umusa ukuSimakadze nekukhululwa sibili kukuye.

⁸ Nguye lotawuhlenga baka-Israyeli abephule etonweni tabo tonkhe.