Tihlabelelo 129 - Siswati 1996 Bible

Umthandazo wekucela kutsi titsa teSiyoni ticitfwe

Ingoma yekuya emikhosini.

¹ “Bangihlupha kwasebusheni bami,” akasho njalo Israyeli atsi:

² “Bangihlupha kwasebusheni bami, kodvwa abazange bangehlule.

³ Balimi babelima emhlane wami, bembe lemikhulu imisele.

⁴ Kodvwa Simakadze ulungile, utijubile tindilimo talababi lababengibophe ngato.”

⁵ Shangatsi bonkhe labatondza Siyoni, bangancandvwa bahlazekile.

⁶ Shangatsi bangafanana netjani lobumila etikwetindlu, bubune busengakakhuli.

⁷ Kute nalobuvunako, abubutse, nome lobetfwala ngetitfungo.

⁸ Nalabendlulako abayiwusho ngisho nekutsi: “Shangatsi Simakadze anganibusisa. Sinibusisa ngelibito laSimakadze.”