Tihlabelelo 126 - Siswati 1996 Bible

Sekubonga kuhlengwa

Ingoma yekuya emikhosini.

¹ Kwakungatsi siyabhudza tsine batfunjwa baseSiyoni, ngesikhatsi Nkulunkulu asibuyisela eJerusalema.

² Sahleka safa, sahlabela tingoma tenjabulo. Tive letibomakhelwane tatsi: “Nkulunkulu ubentele tintfo letinkhulu.”

³ Vele, Nkulunkulu usentele tintfo letinkhulu, sajabula.

⁴ Simakadze, sibuyisele eveni lakitsi, njengobe nemvula ibuyisela emanti etihosheni temifula.

⁵ Labo labahlanyela ngetinyembeti bayawuvuna ngekujabula.

⁶ Bantfu labahamba bakhala betfwele inhlanyelo yekuhlanyela, bayawufika ekhaya bampompoloza ngenjabulo, baphetse tinyandza tesivuno.