Tihlabelelo 124 - Siswati 1996 Bible

Yekubonga kukhululwa etitseni

Ingoma yaDavide yekuya emikhosini.

¹ “Kube Simakadze abengekho ngakitsi ngabe siseyini nje?” akasho njalo Israyeli.

² “Kube Simakadze abengekho ngakitsi ngesikhatsi bantfu basihlasela,

³ ngabe basigwinye siva ngekuvutsa kwelulaka lwabo;

⁴ emanti ngabe asimbonyile, sikhukhula ngabe sengce natsi,

⁵ ngabe tikhukhula tisikhukhulile.”

⁶ Akabongwe Simakadze, longazange avume kutsi titsa tetfu tisibulale.

⁷ Siphunyule njengenyoni iphunyula elugibeni lwebaciphi. Tingibe utidzabulile, saphunyula.

⁸ Lusito lwetfu lusegameni laSimakadze lowente lizulu nemhlaba.