Tihlabelelo 123 - Siswati 1996 Bible

Umthandazo wekucela sihawu

Ingoma yekuya emikhosini.

¹ Ngiphakamisela emehlo ami ngakuwe, wena lohleti ebukhosini bakho ezulwini.

² Yebo, njengobe inceku yencike enkhosini yayo, nanjengobe umzanyana encike kumphatsi wakhe, natsi-ke sincike kuSimakadze, longuNkulunkulu wetfu, aze abe nesihawu kitsi.

³ Sihawukele, Simakadze, sihawukele, ngobe sesiphetfwe ngensila, kwaze kwendlula.

⁴ Umphefumulo wetfu ukhatsele kakhulu kweyiwa ngulabanjingile, nakwedzelelwa ngulabatigabatisako.