Tihlabelelo 122 - Siswati 1996 Bible

Umthandazo wekucela kuthula kweJerusalema

Ingoma yaDavide yekuya emikhosini.

¹ Ngajabula ngesikhatsi batsi kimi: “Asambe siye endlini yaSimakadze.”

² Sesime emkhatsini wemasango akho, Jerusalema!

³ IJerusalema lidolobha lelakheke kahle lavivaniswa.

⁴ Ngulapho ikhuphukela khona imindeni yaSimakadze, iyewudvumisa Nkulunkulu, njengobe yena ayala Israyeli.

⁵ Ngulapho kuhlala khona tihlalo tebukhosi tekwehlulela, tihlalo tebukhosi tendlu yaDavide.

⁶ Thandazelani kutsi kube nekuthula eJerusalema: “Shangatsi bangaphumelela babe nenhlanhla, bantfu labatsandza wena, Jerusalema.

⁷ Akube nekuthula ngekhatsi kwetindvonga takho, kube nekuphepha etigodlweni takho.”

⁸ Ngenca yebazalwane bami nebangani bami ngitsi: “Kuthula akwandze ngekhatsi kwakho.”

⁹ Ngenca yendlu yaSimakadze, Nkulunkulu wetfu, ngikucelela inchubekelaphambili.