Tihlabelelo 121 - Siswati 1996 Bible

Nkulunkulu ungumlondvoloti wakho

Ingoma yekuya emikhosini.

¹ Ngiphakamisela emehlo ami etintsabeni; lusito lwami luyawuchamuka kuphi?

² Lusito lwami luchamuka kuSimakadze lowenta lizulu nemhlaba.

³ Angeke avume kutsi lunyawo lwakho lushelele, lowo longumlondvoloti wakho aketeli.

⁴ Ngempela lowo longumlondvoloti waka-Israyeli aketeli, akalali.

⁵ Simakadze ngumlondvoloti wakho, ungumtfunti wakho esandleni sakho sekudla.

⁶ Lilanga lingeke likubhadlise emini nenyanga ebusuku.

⁷ Simakadze uyawukuvikela kuko konkhe lokubi, alondvolote imphilo yakho.

⁸ Simakadze uyawulondvolota kuphuma kwakho nekungena kwakho, kusukela manje kuze kube phakadze.