Tihlabelelo 120 - Siswati 1996 Bible

Umthandazo wekucela lusito

Ingoma yekuya emikhosini.

¹ Nangisekuhluphekeni, ngiyakhala kuSimakadze, yena angiphendvule.

² Simakadze, ngisindzise kulabangicalela emanga nakubakhohlisi.

³ Nine labacala emanga, Nkulunkulu uyakwentani kini? Uyawunijezisa kanjani?

⁴ Niyawujeziswa ngemicibisholo lekhaliphako yemphi; nijeziswe nangemlilo wemalahle embondvo.

⁵ Maye kimi, lengingumchamuki lapha kaMesheki, ngihlala emathendeni akaKhedari.

⁶ Sengihleti kakhulu, kwaze kwengca, emkhatsini walabatondza kuthula.

⁷ Mine ngitsandza lucolo nekuthula, kodvwa nangitsi ngiyakhuluma nje, bavuka indlwabane.