Tihlabelelo 113 - Siswati 1996 Bible

Sekubonga Simakadze lophakamisa lophansi

¹ Haleluya, dvumisani Simakadze! Dvumisani nine tinceku taSimakadze, dvumisani libito laSimakadze.

² Alibongwe libito laSimakadze, manje kuze kube phakadze!

³ Kusukela ekuphumeni kwelilanga, lize liyewushona, libito laSimakadze liyabongeka.

⁴ Simakadze ungetulu kwato tonkhe tive, nenkhatimulo yakhe idlondlobele ngetulu kwemazulu.

⁵ Ngubani nje lofana naSimakadze, Nkulunkulu wetfu, lotsi ahleti ekuphakameni

⁶ agobondzele abuke phansi emazulwini nasemhlabeni?

⁷ Uphakamisa luphuya elutfulini, aphakamise loswele etaleni lemlotsa,

⁸ amtsatse amhlalise netikhulu, yebo, tikhulu tesive sakhe.

⁹ Inyumba uyipha umuti wayo, ayente ijabule ibe ngunina webantfwana. Haleluya, dvumisani Simakadze!