Ezra 2 - Siswati 1996 Bible

Luhla lwalabo lababuya ekutfunjweni

¹ Laba bantfu besifundza lababuya besuka ekutfunjweni, lababetfunjwe nguNebukhadnezari, inkhosi yaseBhabhulona, wabatfumbela eBhabhulona. Babuyela eJerusalema nakaJuda, nguloyo naloyo edolobheni lakubo.

² Befika naZerubhabheli, naJeshuwa, naNehemiya, naSeraya, naRelaya, naModekhayi, naBilshani, naMisperethi, naBikvayi, naRehumi, naBhana. Luhla lwemadvodza esive saka-Israyeli bekungulawa:

³ titukulwane takaPharoshi tatiti-2 172,

⁴ titukulwane takaShefathiya tatingema-372,

⁵ titukulwane taka-Ara tatingema-775,

⁶ titukulwane takaPhahathi Mowabi, ngeluhlanga lwakaJeshuwa nakaJowabe, tatiti-2 812,

⁷ titukulwane taka-Elamu tatiyi-1 254,

⁸ titukulwane takaZathu tatingema-945,

⁹ titukulwane takaZakhayi tatingema-760,

¹⁰ titukulwane takaBani tatingema-642,

¹¹ titukulwane takaBebayi tatingema-623,

¹² titukulwane taka-Azgadi tatiyi-1 222,

¹³ titukulwane taka-Adonikamu tatingema-666,

¹⁴ titukulwane takaBikvayi tatiti-2 056,

¹⁵ titukulwane taka-Adini tatingema-454,

¹⁶ titukulwane taka-Ateri, ngaHezekiya, tatingema-98,

¹⁷ titukulwane takaBhezayi tatingema-323,

¹⁸ titukulwane takaJora tatili-112,

¹⁹ titukulwane takaHashumi tatingema-223,

²⁰ netitukulwane takaGibhari letatingema-95.

²¹ Emadvodza labewekudzabuka eBhetlehema abeli-123,

²² emadvodza aseNethofa abengema-56.

²³ Emadvodza ase-Anathothi abeli-128,

²⁴ emadvodza ase-Azmavethi abengema-42,

²⁵ emadvodza aseKhiriyathi Jeyarimu, naseKhefira naseBherothi abengema-743,

²⁶ emadvodza aseRama naseGeba abengema-621,

²⁷ emadvodza aseMikmashi abeli-122,

²⁸ emadvodza aseBetheli nase-Ayi abengema-223,

²⁹ emadvodza aseNebo abengema-52,

³⁰ emadvodza aseMagbishi abeli-156,

³¹ emadvodza ase-Elamu lenye abeyi-1 254,

³² emadvodza aseHarimi abengema-320,

³³ emadvodza aseLodi, naseHadidi, nase-Ono abengema-725,

³⁴ emadvodza aseJerikho abengema-345,

³⁵ nemadvodza aseSena abeti-3 630.

³⁶ Baphristi bona: bekutitukulwane takaJedaya ngemndeni waJeshuwa, babengema-973,

³⁷ titukulwane taka-Imeri tatiyi-1 052,

³⁸ titukulwane takaPhashuri tatiyi-1 247,

³⁹ netitukulwane takaHarimi letatiyi-1 017.

⁴⁰ EmaLevi wona: bekutitukulwane takaJeshuwa netakaKhadmiyeli, ngeluhlanga lwaHodaviya, abengema-74.

⁴¹ Bahlabeli bona: bekutitukulwane taka-Asafa, babeli-128.

⁴² Bomahlalesangweni belithempeli bona: bekutitukulwane takaShalumi, netaka-Ateri, netakaThalmoni, netaka-Akhubi, netakaHatita, netakaShobayi, babeli-139.

⁴³ Tisebenti telithempeli tona: bekutitukulwane takaSiha, netakaHasufa, netakaThabhayothi,

⁴⁴ netakaKherosi, netakaSiyaha, netakaPhadoni,

⁴⁵ netakaLebana, netakaHagabha, netaka-Akhubi,

⁴⁶ netakaHagabi, netakaShalmayi, netakaHanana,

⁴⁷ netakaGideli, netakaGahari, netakaReyaya,

⁴⁸ netakaResini, netakaNekoda, netakaGazamu,

⁴⁹ netaka-Uza, netakaPhaseya, netakaBhesayi,

⁵⁰ netaka-Asna, netakaMeyunimu, netakaNefusimu,

⁵¹ netakaBakbuki, netakaHakufa, netakaHahuri,

⁵² netakaBasluthi, netakaMehida, netakaHasha,

⁵³ netakaBhakosi, netakaSisera, netakaThema,

⁵⁴ netakaNesiya kanye netakaHatifa.

⁵⁵ Titukulwane tetisebenti takaSolomoni tona: bekutitukulwane takaSothayi, netakaHasoferethi, netakaPheruda,

⁵⁶ netakaJala, netakaDakhoni, netakaGideli,

⁵⁷ netakaShefathiya, netakaHathili, netakaPhokerethi Sebayimi kanye netaka-Ami.

⁵⁸ Tisebenti telithempeli kanye netitukulwane tetisebenti takaSolomoni betingema-392.

⁵⁹ Laba labalandzelako babephuma emadolobheni aseTheli Mela, naseTheli Hasha, naseKherubi, nase-Adoni, nase-Imeri, kodvwa noko abazange bakwati kuchaza kutsi imindeni yabo yayiyekudzabuka ka-Israyeli yini:

⁶⁰ Titukulwane takaDelaya, netakaThobiya kanye netakaNekoda tatingema-652.

⁶¹ Kulaba labanye baphristi: Bekutitukulwane takaHabaya, netakaHakhosi kanye netakaBhazilayi, indvodza leyayitsetse indvodzakati yaBhazilayi wakaGileyadi, yase ibitwa ngelibito lakhe.

⁶² Laba bafunisisa imilandvo yemindeni yabo, kodvwa abazange bayitfole; ngaleso sizatfu abazange babalwa kanye nebaphristi, batsatfwa ngekutsi bangcolile ngekwemtsetfo.

⁶³ Umbusi wabayala kutsi bangadli nome kunye kwalokudla kwekunikelwa, kuze kube nemphristi wekukhonta nge-Urimu neThumimu.

⁶⁴ Sebabonkhe labancandzeka babeti-42 360,

⁶⁵ ngaphandle kwetisebenti letidvuna naletisikati letatiti-7 337; ngetulu kwabo bekunebahlabeli labadvuna nalabasikati lababengema-200.

⁶⁶ Babenemahhashi langema-736, neminyuzi lengema-245,

⁶⁷ nemakamela langema-435 kanye netimbongolo letatiti-6 720.

⁶⁸ Batsi nabefika endlini yaSimakadze eJerusalema, labanye baholi bemindeni bakhipha iminikelo yesihle ekwakhiweni kabusha kwendlu yaSimakadze lapho yayime khona.

⁶⁹ Banikela ngekwemandla abo esikhwameni salomsebenti, kwaba ngemakhilogremu labengaba ngema-500 egolide, nemakhilogremu labengaba ti-2 800 esiliva kanye netingubo tebaphristi letatilikhulu.

⁷⁰ Baphristi, nebaLevi, nebahlabeli, nabomahlalesangweni belithempeli kanye netisebenti bavele bacaba, bakha emadolobha abo kanye nalaba labanye bantfu, kanjalo nema-Israyeli lamanye ahlala emadolobheni awo.