1 Tikhronike 9 - Siswati 1996 Bible

Bantfu lababuya ekutfunjweni

¹ Bonkhe bantfu baka-Israyeli babalwa ngekwemindeni yabo, njengobe kubhaliwe encwadzini yemakhosi aka-Israyeli. Sive sakaJuda sona sase sitfunjelwe eBhabhulona ngenca yekungetsembeki kwaso.

² Bekucala ekubuyeni nasekucabeni etindzaweni tabo emadolobheni abo kwakungema-Israyeli labebabantfu nje, nebaphristi, nemaLevi kanye netikhonti tasethempelini.

³ Besive sakaJuda, nesakaBhenjamini, nesaka-Efrayimu kanye nesakaManase bona bahamba bayawuhlala eJerusalema:

⁴ Kwakubo-Uthayi, umsa wa-Amihudi, umsa wa-Omri, umsa wa-Imri, umsa waBani, umtukulu waPheresi, umsa waJuda.

⁵ Esiveni sakaShela labengumholi bekungu-Asaya, litubulo lakhe, akanye nalamanye emadvodzana akakhe.

⁶ Esiveni sakaZera labengumholi bekunguJehuweli akanye nabomnakabo. Sebabonkhe bantfu besive sakaJuda babengema-690.

⁷ Esiveni sakaBhenjamini bekunguSalu, umsa waMeshulamu, umsa waHodaviya, umsa waHasenuwa,

⁸ na-Ibhiniya, umsa waJerohamu; na-Ela, umsa wa-Uzi, umsa waMikhri; naMeshulamu, umsa waShefathiya, umsa waRehuweli, umsa wa-Ibhiniya.

⁹ Sebabonkhe bantfu besive sakaBhenjamini ngekwemlandvo weluhlanga lwekutalana kwabo bebangema-956. Onkhe lamadvodza abebaholi bemindeni yawo.

Baphristi lababehlala eJerusalema

¹⁰ Baphristi lababehlala eJerusalema bekunguJedaya, naJehoyaribi, naJakhini,

¹¹ na-Azariya, umsa waHilkiya, umsa waMeshulamu, umsa waSadoki, umsa waMerayothi, umsa wa-Ahitubi, labeyindvuna endlini yaNkulunkulu,

¹² na-Adaya, umsa waJerohamu, umsa waPhashuri, umsa waMalkhiya, naMasayi, umsa wa-Adiyeli, umsa waJazera, umsa waMeshulamu, umsa waMeshilemithi, umsa wa-Imeri.

¹³ Baphristi lababebaholi bemindeni babeyi-1 760. Babenelikhono ekwenteni wonkhe umsebenti wasendlini yaNkulunkulu.

EmaLevi labehlala eJerusalema

¹⁴ EmaLevi labehlala eJerusalema bekuboShemaya, umsa waHashubi, umsa wa-Azrikamu, umsa waHashabiya, umMerari;

¹⁵ naBakbakhari, naHereshi, naGalali kanye naMathaniya, umsa waMikha, umsa waZikhri, umsa wa-Asafa;

¹⁶ na-Obadiya, umsa waShemaya, umsa waGalali, umsa waJeduthuni, naBherekhiya, umsa wa-Asa, umsa wa-Elkhana, labehlala emitini yemaNethofa.

Bomahlalesangweni belithempeli lababehlala eJerusalema

¹⁷ Bomahlalesangweni belithempeli lababehlala eJerusalema bekuboShalumi, na-Akhubi, naThalmoni, na-Ahimani kanye nabomnakabo. Shalumi abengumholi wabo.

¹⁸ Bonkhe laba bebahlala ngaseSangweni Lenkhosi lelingasemphumalanga, kuze kube ngulamuhla loku. Laba-ke bekubomahlalesangweni benkambu yemaLevi.

¹⁹ Shalumi, umsa waKhore, umsa wa-Abiyasafa, umsa waKhora, kanye nabomahlalesangweni bemndeni wakhe, emaKhora, bona umsebenti wabo bekukugadza etimphundvwini telithende, njengobe naboyise umsebenti wabo bekukugadza lisango lekungena endlini yaSimakadze.

²⁰ Finehasi, umsa wa-Eleyazare, ekucaleni bekaphetse labomahlalesangweni, naSimakadze waba naye.

²¹ Zakhariya, umsa waMeshelemiya, naye abengumahlalesangweni ekungeneni kwelisango lelithende lekuhlangana.

²² Sebabonkhe labakhetselwa kuba bomahlalesangweni etimphundvwini kwaba ngemadvodza langema-212. Babhaliswa ngetitukulwane tabo emitini yabo lababehlala kuyo. Bekuyinkhosi Davide nemphrofethi Samuweli lebababeka kutsi babe tetsenjwa talowo msebenti.

²³ Bona kanye netitukulwane tabo babebekwe kutsi bagadze emasango endlu yaSimakadze, lekwakutsiwa lithende.

²⁴ Labomahlalesangweni babebekwe kuyo yonkhe lemihlubulo lemine: ngasemphumalanga, nangasenshonalanga, nangasenyakatfo, nangaseningizimu.

²⁵ Bomnakabo lababesuka kulemiti yakubo babefika njalo nje kutawubambisana nabo kulemisebenti yekugadza ngemagema emalanga lasikhombisa.

²⁶ Kodvwa bomahlalesangweni labakhulu labane bemaLevi bona bebanikwe umsebenti wekunakekela emakamelo kanye nengcebo endlini yaNkulunkulu.

²⁷ Babefanele bahlale busuku bonkhe batungelete indlu yaNkulunkulu, ngobe phela bekufanele bayigadze; babephetse ngisho nesikhiya sekuyivula njalo nje ekuseni.

Lamanye emaLevi

²⁸ Umsebenti wemaLevi lamanye bekukuphatsa nekunakekela timphahla letatisetjentiswa ekukhonteni ethempelini. Letimphahla babetibala natingeniswa, baphindze batibale natikhishwa kuyawusetjentiswa.

²⁹ Lamanye emaLevi umsebenti wawo bekukuphatsa letinye timphahla letingcwele, nafulaha, neliwayini, nemafutsa emncumo, nemphepho kanye netinandzisi.

³⁰ Kodvwa kuhlanganisa tinandzisi bekungumsebenti webaphristi.

³¹ UmLevi lekwakutsiwa nguMathithiya, indvodzana leyayilitubulo laShalumi, umKhora, yena umsebenti wakhe bekukubhaka sinkhwa semnikelo.

³² Labanye bomnakabo bemaKhohati umsebenti wabo bekukulungisa sinkhwa semnikelo ngekusibeka etafuleni njalo nje ngeliSabatha.

³³ Labo lababebahlabeli, lababebaholi bemaLevi, babehlala emakamelweni elithempeli. Bayekeliswa nalena leminye imisebenti, ngobe babehlala balindzele kubitelwa emsebentini wabo ngaso sonkhe sikhatsi, emini nasebusuku.

³⁴ Lamadvodza abebaholi bemindeni yemaLevi, tonkhe tikhulu ngekwemlandvo weluhlanga lwekutalana kwato, bahlala eJerusalema.

Bokhokho netitukulwane tenkhosi Sawula

³⁵ Jeyiyeli, uyise waGibeyoni, abehlala eGibeyoni. Libito lemkakhe bekunguMakha.

³⁶ Litubulo lakhe kungu-Abdoni, yena elanywa boSuri, naKhishi, naBhali, naNeri, naNadabi,

³⁷ naGedori, na-Ahiyo, naZakhariya kanye naMikilothi.

³⁸ Mikilothi abenguyise waShimeya. Nabo babehlala edvutane netihlobo tabo eJerusalema.

³⁹ Neri abenguyise waKhishi, Khishi anguyise waSawula, Sawula anguyise waboJonathani, naMalkhi Shuwa, na-Abinadabi kanye na-Eshbhali.

⁴⁰ Indvodzana yaJonathani bekunguMeribhali, uyise waMikha.

⁴¹ Emadvodzana aMikha bekuboPhithoni, naMeleki, naThareya kanye na-Ahazi.

⁴² Ahazi abenguyise waJara, Jara anguyise wabo-Alemethi, na-Azmavethi, naZimri; Zimri abenguyise waMosa.

⁴³ Mosa abenguyise waBineya, Bineya anguyise waRefaya, Refaya anguyise wa-Eleyasa, Eleyasa anguyise wa-Aseli.

⁴⁴ Aseli abenemadvodzana lasitfupha, emabito awo bekubo-Azrikamu, naBokheru, na-Ishmayeli, naSheyariya, na-Obadiya kanye naHanana. Lawa-ke bekungemadvodzana a-Aseli.