1 Tikhronike 8 - Siswati 1996 Bible

Titukulwane takaBhenjamini

¹ Emadvodzana aBhenjamini bekuboBela, litubulo lakhe, elanywe ngu-Ashbeli, kute Ahara,

² kulandzele Noha, kugcine Rafa labewesihlanu.

³ Emadvodzana aBela bekubo-Adari, naGera, na-Abihudi,

⁴ na-Abishuwa, naNamani, na-Ahowa,

⁵ naGera, naShefufani kanye naHuramu.

⁶ Titukulwane taka-Ehudi, lekwakutinhloko temindeni leyayihlala eGeba yase ilahlelwa eManahathi:

⁷ bekuboNamani, na-Ahiya kanye naGera. Nguye lowabamikisa khona, kantsi futsi abenguyise wa-Uza na-Ahihudi.

⁸ Shaharayimi watala emadvodzana eMowabi emvakwekulahla kwakhe bafati bakhe boHushimu naBhara.

⁹ Hodeshi, umkakhe, wamtalela boJobabi, naSibiya, naMesha, naMalkhamu,

¹⁰ naJewuse, naSakhiya kanye naMima. Lawa bekungemadvodzana akhe labetinhloko temindeni.

¹¹ Hushimu wamtalela bo-Abitubi na-Elphali.

¹² Emadvodzana a-Elphali bekubo-Ebheri, naMishamu, naShemedi, lowakha emadolobha i-Ono neLodi kanye nemiti leyayiyitungeletile.

Labanye besive sakaBhenjamini eGathi nase-Ayaloni

¹³ Bheriya naShema bekutinhloko temindeni leyayihlala edolobheni i-Ayaloni, ngibo labacosha labantfu lababehlala eGathi.

¹⁴ Titukulwane takaBheriya tatifaka ekhatsi bo-Ahiyo, naShashaki, naJeremothi,

¹⁵ naZebadiya, na-Aradi, na-Ederi,

¹⁶ naMikhayeli, naJishpha kanye naJoha.

Labanye besive sakaBhenjamini lababeseJerusalema

¹⁷ Letinye titukulwane taka-Elphali bekuboZebadiya, naMeshulamu, naHizki, naHebhere,

¹⁸ na-Ishmerayi, naJizliya kanye naJobabi.

¹⁹ Titukulwane takaShimeyi bekuboJakimu, naZikhri, naZabdi,

²⁰ na-Eliyenayi, naSilethayi, na-Eliyeli,

²¹ na-Adaya, naBheraya kanye naShimrathi.

²² Titukulwane takaShashaki bekuboJishphani, na-Ebheri, na-Eliyeli,

²³ na-Abdoni, naZikhri, naHanana,

²⁴ naHananiya, na-Elamu, na-Antothiya,

²⁵ na-Ifdeya kanye naPhenuweli.

²⁶ Emadvodzana aJerohamu bekuboShamsherayi, naShehariya, na-Athaliya,

²⁷ naJareshiya, na-Elija kanye naZikhri.

²⁸ Bonkhe laba bekutinhloko temindeni netikhulu ngekwemlandvo weluhlanga lwekutalana kwabo; babehlala eJerusalema.

Labanye besive sakaBhenjamini eGibeyoni naseJerusalema

²⁹ Jeyiyeli, uyise waGibeyoni, abehlala eGibeyoni. Libito lemkakhe bekunguMakha,

³⁰ Abdoni kulitubulo lakhe, abelanywa nguSuri, kute Khishi, naBhali, naNeri, naNadabi,

³¹ naGedori, na-Ahiyo, naZakheri

³² kanye naMikilothi labenguyise waShimeya. Nabo bebahlala edvutane naletihlobo tabo khona eJerusalema.

Umndeni wenkhosi Sawula

³³ Neri abenguyise waKhishi, Khishi abenguyise waSawula, Sawula abenguyise waboJonathani, naMalkhi Shuwa, na-Abinadabi kanye na-Eshbhali.

³⁴ Jonathani abenguyise waMeribhali, uyise waMikha.

³⁵ Mikha abenemadvodzana lamane, lekwakuboPhithoni, naMeleki, naThareya kanye na-Ahazi.

³⁶ Ahazi abenguyise waJehoyada, Jehoyada anguyise wabo-Alemethi, na-Azmavethi, naZimri. Zimri abenguyise waMosa,

³⁷ Mosa anguyise waBineya, Bineya anguyise waRafa, Rafa anguyise wa-Eleyasa, Eleyasa anguyise wa-Aseli.

³⁸ Aseli abenemadvodzana lasitfupha, lekwakubo-Azrikamu, naBokheru, na-Ishmayeli, naSheyariya, na-Obadiya kanye naHanana. Bonkhe laba bekungemadvodzana a-Aseli.

³⁹ Esheki, umnakabo-Aseli, abenemadvodzana lamatsatfu lekwakubo-Ulamu, naJewushe kanye na-Elifeleti.

⁴⁰ Emadvodzana a-Ulamu bekungemachawe labenesibindzi, akwati nekusebentisa butjoki. Abenemadvodzana lamanyenti nebatukulu labadvuna labanyenti lababeli-150 sebabonkhe. Bonkhe-ke laba bekutitukulwane takaBhenjamini.