1 Tikhronike 6 - Siswati 1996 Bible

Luhlanga lwemndeni webaphristi labakhulu

¹ Emadvodzana aLevi bekuboGeshoni, naKhohati, naMerari.

² Emadvodzana aKhohati bekubo-Amramu, naJisihari, naHebroni kanye na-Uziyeli.

³ Bantfwana ba-Amramu bekubo-Aroni, naMosi kanye naMiriyamu. Emadvodzana a-Aroni bekuboNadabi, na-Abihu, na-Eleyazare kanye na-Ithamari.

⁴ Eleyazare abenguyise waFinehasi, Finehasi anguyise wa-Abishuwa.

⁵ Abishuwa abenguyise waBukhi, Bukhi anguyise wa-Uzi.

⁶ Uzi abenguyise waZerahiya, Zerahiya anguyise waMerayothi.

⁷ Merayothi abenguyise wa-Amariya, Amariya anguyise wa-Ahitubi.

⁸ Ahitubi abenguyise waSadoki, Sadoki anguyise wa-Ahimasi.

⁹ Ahimasi abenguyise wa-Azariya, Azariya anguyise waJohanani.

¹⁰ Johanani abenguyise wa-Azariya. Azariya abekhonta, angumphristi ethempelini lelalakhiwe nguSolomoni eJerusalema.

¹¹ Azariya abenguyise wa-Amariya, Amariya anguyise wa-Ahitubi.

¹² Ahitubi abenguyise waSadoki, Sadoki anguyise waShalumi.

¹³ Shalumi abenguyise waHilkiya, Hilkiya anguyise wa-Azariya.

¹⁴ Azariya abenguyise waSeraya, Seraya anguyise waJesadaki.

¹⁵ Jesadaki watfunjwa ngesikhatsi Simakadze avumela kutfunjwa kwebakaJuda nebaseJerusalema nguNebukhadnezari.

Letinye titukulwane takaLevi

¹⁶ Emadvodzana aLevi bekuboGeshoni, naKhohati kanye naMerari.

¹⁷ Emadvodzana aGeshoni bekuboLibni naShimeyi.

¹⁸ Emadvodzana aKhohati bekubo-Amramu, naJisihari, naHebroni kanye na-Uziyeli.

¹⁹ Emadvodzana aMerari bekuboMahali naMushi. Leti bekutinsendvo temaLevi ngaboyise bato:

²⁰ TakaGeshoni bekunguLibni, umsa wakhe, naJehathi, umsa wakhe, naZima, umsa wakhe,

²¹ naJowa, umsa wakhe, na-Ido, umsa wakhe, naZera, umsa wakhe, kanye naJeyatherayi, umsa wakhe.

²² Titukulwane takaKhohati bekungu-Aminadabi, umsa wakhe, naKhora, umsa wakhe, na-Asiri, umsa wakhe,

²³ na-Elkhana, umsa wakhe, na-Abiyasafa, umsa wakhe, na-Asiri, umsa wakhe,

²⁴ naThahathi, umsa wakhe, na-Uriyeli, umsa wakhe, na-Uziya, umsa wakhe, kanye naShawula, umsa wakhe.

²⁵ Titukulwane taka-Elkhana bekungu-Amasayi, na-Ahimothi,

²⁶ na-Elkhana, umsa wakhe, naSofayi, umsa wakhe, naNahathi, umsa wakhe,

²⁷ na-Eliyabe, umsa wakhe, naJerohamu, umsa wakhe, na-Elkhana, umsa wakhe, naSamuweli, umsa wakhe.

²⁸ Emadvodzana aSamuweli bekunguJoweli, litubulo lakhe, na-Abiya, indvodzana yakhe yesibili.

²⁹ Titukulwane takaMerari bekunguMahali, naLibni, umsa wakhe, naShimeyi, umsa wakhe, na-Uza, umsa wakhe,

³⁰ naShimeya, umsa wakhe, naHagiya, umsa wakhe, na-Asaya, umsa wakhe.

Bahlabeli basethempelini

³¹ Lawa bekungemadvodza Davide lawabeka kutsi engamele kuhlabelela endlini yaSimakadze, nase kufakwe libhokisi lesivumelwane kuyo.

³² Abekhonta ngekuhlabelela embikwelithende lekuhlangana, Solomoni waze wakha lithempeli laSimakadze eJerusalema. Lomsebenti babewenta ngekulandzela imitsetfo leyo leyayentelwe bona.

³³ Nankha-ke lamadvodza labekhonta kanye nemadvodzana awo: Esiveni semaKhohati bekunguHemani, umhlabeli, umsa waJoweli, umsa waSamuweli,

³⁴ umsa wa-Elkhana, umsa waJerohamu, umsa wa-Eliyeli, umsa waThowa,

³⁵ umsa waSufi, umsa wa-Elkhana, umsa waMahathi, umsa wa-Amasayi,

³⁶ umsa wa-Elkhana, umsa waJoweli, umsa wa-Azariya, umsa waZefaniya,

³⁷ umsa waThahathi, umsa wa-Asiri, umsa wa-Abiyasafa, umsa waKhora,

³⁸ umsa waJisihari, umsa waKhohati, umsa waLevi, umsa wa-Israyeli.

³⁹ Asafa, labebambisene naHemani, yena abekhonta ngasesandleni sakhe sekudla. Asafa abengumsa waBherekhiya, umsa waShimeya,

⁴⁰ umsa waMikhayeli, umsa waBhaseya, umsa waMalkhiya,

⁴¹ umsa wa-Ethni, umsa waZera, umsa wa-Adaya,

⁴² umsa wa-Ethani, umsa waZima, umsa waShimeyi,

⁴³ umsa waJahathi, umsa waGeshoni, umsa waLevi.

⁴⁴ Ngasesandleni sangesancele bekubomnakabo lebekungemadvodzana aMerari: Ethani abengumsa waKhishi, umsa wa-Abdi, umsa waMaluki,

⁴⁵ umsa waHashabiya, umsa wa-Amasiya, umsa waHilkiya,

⁴⁶ umsa wa-Amsi, umsa waBani, umsa waShemeri,

⁴⁷ umsa waMahali, umsa waMushi, umsa waMerari, umsa waLevi.

⁴⁸ Laba labanye bomnakabo lababengemaLevi bona bebanikwe leminye imisebenti ethendeni lekuhlangana, lekwakuyindlu yaNkulunkulu.

Titukulwane taka-Aroni

⁴⁹ Kodvwa Aroni netitukulwane takhe bekungabo lababetfula iminikelo elatini lekushisa iminikelo kanye naselatini lemphepho. Umsebenti wabo bekukukhonta endzaweni lengcwelengcwele kanye nekwentela Israyeli inhlawulo yekubuyisana naNkulunkulu, ngekulandzela yonkhe imiyalo Mosi, inceku yaNkulunkulu, latsi ayentiwe.

⁵⁰ Titukulwane taka-Aroni bekungu-Eleyazare, umsa wakhe, naFinehasi, umsa wakhe, na-Abishuwa, umsa wakhe,

⁵¹ naBukhi, umsa wakhe, na-Uzi, umsa wakhe, naZerahiya, umsa wakhe,

⁵² naMerayothi, umsa wakhe, na-Amariya, umsa wakhe, na-Ahitubi, umsa wakhe,

⁵³ naSadoki, umsa wakhe, na-Ahimasi, umsa wakhe.

Lapho kwakuhlala khona emaLevi

⁵⁴ Letindzawo nguleto letatabelwe emaLevi etitukulwaneni taka-Aroni telusendvo lwemaKhohati, njengobe tadliwa yinkatho yekucala:

⁵⁵ Anikwa iHebroni kaJuda kanye nemadlelo labeyitungeletile.

⁵⁶ Kodvwa emasimi kanye nemiti leyayitungelete lelidolobha kwanikwa Khalebi, umsa waJefune.

⁵⁷ Titukulwane taka-Aroni tanikwa iHebroni, lidolobha lekukhosela, neLibna, neJathiri, ne-Eshtemoya nemadlelo awo,

⁵⁸ neHileni, neDebiri,

⁵⁹ ne-Ashani, neJutha, neBhethi Shemeshi kanye nemadlelo alamadolobha.

⁶⁰ Esiveni sakaBhenjamini banikwa iGibeyoni, neGeba, ne-Alemethi, ne-Anathothi kanye nemadlelo alamadolobha. Emadolobha labelwa tinsendvo temaKhohati aba li-13 asawonkhe.

⁶¹ Letinye titukulwane temaKhohati tabelwa ngenkatho emadolobha lalishumi emkhatsini wetinsendvo tencenye yesive sakaManase.

⁶² Titukulwane takaGeshoni, lusendvo ngelusendvo, tabelwa ngenkatho emadolobha lali-13 esiveni saka-Isakhari, nesaka-Asheri kanye nesakaNaftali, nasemkhatsini wesive sakaManase lesasiseBhashani.

⁶³ Titukulwane takaMerari, lusendvo ngelusendvo, tabelwa ngenkatho emadolobha lali-12 esiveni sakaRubeni, nesakaGadi, nesakaZebuloni.

⁶⁴ Ngako ema-Israyeli anika emaLevi lamadolobha kanye nemadlelo awo.

⁶⁵ Esiveni sakaJuda, nesakaSimeyoni, nesakaBhenjamini emaLevi abelwa lamadolobha lasashitiwo.

⁶⁶ Leminye imindeni netinsendvo temaKhohati tanikwa emadolobha esive saka-Efrayimu.

⁶⁷ Eveni letintsaba kulaka-Efrayimu tabelwa iShekhemu, lidolobha lekukhosela, neGezeri,

⁶⁸ neJokmeyamu, neBhethi Horoni,

⁶⁹ ne-Ayaloni, neGathi Rimoni kanye nemadlelo awo.

⁷⁰ Encenyeni yesive sakaManase ema-Israyeli abela tinsendvo nemindeni leminye yemaKhohati i-Aneri neBhileyamu kanye nemadlelo awo.

⁷¹ BakaGeshoni banikwa nankha emadolobha: Elusendvweni lwencenye yesive sakaManase babelwa iGolani leseBhashani ne-Ashtarothe kanye nemadlelo awo.

⁷² Esiveni saka-Isakhari babelwa iKhedeshi, neDabherathi,

⁷³ neRamothi, ne-Anemu kanye nemadlelo awo.

⁷⁴ Esiveni saka-Asheri babelwa iMashali, ne-Abdoni,

⁷⁵ neHukhoki, neRehobu kanye nemadlelo awo.

⁷⁶ Esiveni sakaNaftali babelwa iKhedeshi eGalile, neHamoni, neKhiriyathayimu kanye nemadlelo awo.

⁷⁷ BakaMerari, labanye bona babelwa nankha emadolobha: Esiveni sakaZebuloni babelwa iJokneyamu, neKhatha, neRimono, neThabori kanye nemadlelo awo.

⁷⁸ Esiveni sakaRubeni ngesheya kweJordane emphumalanga neJerikho babelwa iBheseri ehlane, neJahasa,

⁷⁹ neKhedemothi, neMefathi kanye nemadlelo awo.

⁸⁰ Esiveni sakaGadi babelwa iRamothi kulakaGileyadi, neMahanayimu,

⁸¹ neHeshboni, neJazeri kanye nemadlelo awo.