1 Tikhronike 3 - Siswati 1996 Bible

Bantfwana baDavide, inkhosi

¹ Lawa ngemadvodzana aDavide latalelwa wona aseseHebroni: Litubulo bekungu-Amnoni, labetalwa ngu-Ahinowami waseJezreyeli; yesibili bekunguDanyela, labetalwa ngu-Abigayili waseKhameli;

² yesitsatfu bekungu-Absalomu labetalwa nguMakha, indvodzakati yaThalmayi, inkhosi yaseGeshuri; yesine bekungu-Adoniya, labetalwa nguHagithi;

³ yesihlanu bekunguShefathiya, labetalwa ngu-Abitali; yesitfupha bekunguJithreyamu, labetalwa ngumkakhe Egla.

⁴ Onkhe lamadvodzana lasitfupha Davide wawatalelwa aseseHebroni, lapho abusela khona iminyaka lesikhombisa netinyanga letisitfupha. Davide wabusela eJerusalema iminyaka lengema-33,

⁵ watalelwa emadvodzana lamanyenti lapho. Umkakhe Bhatisheba, indvodzakati ya-Amiyeli, wamtalela emadvodzana lamane, lekwakuboShamuwa, naShobabi, naNathani kanye naSolomoni.

⁶ Abenemadvodzana lamanye lekwakuboJibhari, na-Elishuwa, na-Elifeleti,

⁷ naNoga, naNefegi, naJafiya,

⁸ na-Elishama, na-Eliyada kanye na-Elifeleti; abeyimfica asawonkhe.

⁹ Onkhe lawa bekungemadvodzana aDavide, ngaphandle kwalawa labetalwa ngemaphovela akhe. Thamari abengudzadzewabo.

Titukulwane tenkhosi Solomoni

¹⁰ Laba-ke bekuyintalelwane yenkhosi Solomoni: Kusukela kuye kwalandzela Rehobowamu, umsa wakhe, kweta Abiya, umsa wakhe, kweta Asa, umsa wakhe, kweta Jehoshafati, umsa wakhe,

¹¹ kweta Jehoramu, umsa wakhe, kweta Ahaziya, umsa wakhe, kweta Jowashi, umsa wakhe,

¹² kweta Amasiya, umsa wakhe, kweta Azariya, umsa wakhe, kweta Jothamu, umsa wakhe,

¹³ kweta Ahazi, umsa wakhe, kweta Hezekiya, umsa wakhe, kweta Manase, umsa wakhe,

¹⁴ kweta Amoni, umsa wakhe, kweta Josaya, umsa wakhe.

¹⁵ Emadvodzana aJosaya bekuboJohanani, litubulo, naJehoyakimu, naSedekiya, naShalumi.

¹⁶ Labalandzela Jehoyakimu bekunguJehoyakhini, umsa wakhe, naSedekiya.

Titukulwane tenkhosi Jehoyakhini

¹⁷ Titukulwane taJehoyakhini lowatfunjelwa eBhabhulona bekuboSalatiyeli, umsa wakhe,

¹⁸ naMalkhiramu, naPhedaya, naShenasari, naJekamiya, naHoshama kanye naNedabiya.

¹⁹ Emadvodzana lamabili aPhedaya bekuboZerubhabheli naShimeyi. Emadvodzana aZerubhabheli bekuboMeshulamu naHananiya. Dzadzewabo bekunguShelomithi.

²⁰ Lamanye emadvodzana akhe lasihlanu bekuboHashubha, na-Oheli, naBherekhiya, naHasadiya, naJushabi Hesedi.

²¹ Hananiya abenemadvodzana lamabili lekwakuboPhelatiya naJeshaya. Jeshaya abenguyise waRefaya, labenguyise wa-Arinani, labenguyise wa-Obadiya, Obadiya anguyise waShekhaniya.

²² Shekhaniya abenendvodzana lekwakunguShemaya; emadvodzana aShemaya bekuboHathushi, na-Igali, naBhariya, naNeyariya, naShafati; abesitfupha asawonkhe.

²³ Emadvodzana aNeyariya bekubo-Eliyoyenayi, naHizkiya, na-Azrikamu; abematsatfu asawonkhe.

²⁴ Emadvodzana a-Eliyoyenayi bekuboHodaviya, na-Eliyashibi, naPhelaya, na-Akhubi, naJohanani, naDelaya, na-Anani; abesikhombisa asawonkhe.