1 Tikhronike 25 - Siswati 1996 Bible

Bahlabeli basethempelini

¹ Davide kanye netindvuna takhe letatiphetse emaLevi behlukanisela emadvodzana a-Asafa, naHemani, naJeduthuni, bawehlukanisela inkonzo yekuphrofetha, kwanandziswa ngemahabhu, nengemalire, nangemasimbali. Luhla lwalamadvodza lenta lomsebenti bekungulolu:

² Kumadvodzana a-Asafa bekuboZakhuri, naJosefa, naNethaniya, na-Asharela. Emadvodzana a-Asafa abephetfwe ngu-Asafa labephrofetha ngekulawulwa yinkhosi.

³ Mayelana naJeduthuni, kumadvodzana akhe bekuboGedaliya, naSeri, naJeshaya, naShimeyi, naHashabiya, naMathithiya, babesitfupha sebabonkhe, bangaphansi kwemtsetfo weyise Jeduthuni labephrofetha bese ubonga Simakadze amdvumise ngelihabhu.

⁴ Mayelana naHemani, kumadvodzana akhe bekuboBukhiya, naMathaniya, na-Uziyeli, naShubayeli, naJerimothi, naHananiya, naHanani, na-Eliyatha, naGidalti, naRomamti Ezeri, naJoshbekasha, naMalothi, naHothiri, naMahaziyoti.

⁵ Bonkhe labo bekungemadvodzana aHemani, umboniswa wenkhosi. Wabanikwa ngesetsembiso saNkulunkulu kutsi batemphakamisa. Nkulunkulu wapha Hemani emadvodzana lali-14 nemadvodzakati lamatsatfu.

⁶ Onkhe-ke lamadvodza abengaphansi kwemitsetfo yaboyise mayelana nemculo wasendlini yaSimakadze, imiculo lenemasimbali, nemalire, nemahabhu enkonzweni yasendlini yaSimakadze. Bo-Asafa, naJeduthuni, naHemani babengaphansi kwemtsetfo wenkhosi.

⁷ Bebakanye netihlobo tabo, bonkhe bafundzisiwe baceceshelwa umculo waSimakadze. Sebabonkhe babengema-288.

⁸ Labadzala nalabancane, ngisho labafundzisako kanye nalabafundzako, benta inkatho, benta emagema ekusebenta kwabo.

⁹ Inkatho yekucala leyayika-Asafa yadla Josefa, nemadvodzana akhe kanye netihlobo takhe, sebabonkhe babeli-12. Yesibili yadla Gedaliya nemadvodzana akhe kanye netihlobo takhe, sebabonkhe babeli-12.

¹⁰ Yesitsatfu yadla Zakhuri nemadvodzana akhe kanye netihlobo takhe, sebabonkhe babeli-12.

¹¹ Yesine yadla Seri nemadvodzana akhe kanye netihlobo takhe, sebabonkhe babeli-12.

¹² Yesihlanu yadla Nethaniya nemadvodzana akhe kanye netihlobo takhe, sebabonkhe babeli-12.

¹³ Yesitfupha yadla Bukhiya nemadvodzana akhe kanye netihlobo takhe, sebabonkhe babeli-12.

¹⁴ Yesikhombisa yadla Jesarela nemadvodzana akhe kanye netihlobo takhe, sebabonkhe babeli-12.

¹⁵ Yesiphohlongo yadla Jeshaya nemadvodzana akhe kanye netihlobo takhe, sebabonkhe babeli-12.

¹⁶ Yemfica yadla Mathaniya nemadvodzana akhe kanye netihlobo takhe, sebabonkhe babeli-12.

¹⁷ Yelishumi yadla Shimeyi nemadvodzana akhe kanye netihlobo takhe, sebabonkhe babeli-12.

¹⁸ Yeli-11 yadla Azareli nemadvodzana akhe kanye netihlobo takhe, sebabonkhe babeli-12.

¹⁹ Yeli-12 yadla Hashabiya nemadvodzana akhe kanye netihlobo takhe, sebabonkhe babeli-12.

²⁰ Yeli-13 yadla Shubayeli nemadvodzana akhe kanye netihlobo takhe, sebabonkhe babeli-12.

²¹ Yeli-14 yadla Mathithiya nemadvodzana akhe kanye netihlobo takhe, sebabonkhe babeli-12.

²² Yeli-15 yadla Jerimothi nemadvodzana akhe kanye netihlobo takhe, sebabonkhe babeli-12.

²³ Yeli-16 yadla Hananiya nemadvodzana akhe kanye netihlobo takhe, sebabonkhe babeli-12.

²⁴ Yeli-17 yadla Joshbekasha nemadvodzana akhe kanye netihlobo takhe, sebabonkhe babeli-12.

²⁵ Yeli-18 yadla Hanani nemadvodzana akhe kanye netihlobo takhe, sebabonkhe babeli-12.

²⁶ Yeli-19 yadla Malothi nemadvodzana akhe kanye netihlobo takhe, sebabonkhe babeli-12.

²⁷ Yema-20 yadla Eliyatha nemadvodzana akhe kanye netihlobo takhe, sebabonkhe babeli-12.

²⁸ Yema-21 yadla Hothiri nemadvodzana akhe kanye netihlobo takhe, sebabonkhe babeli-12.

²⁹ Yema-22 yadla Gidalti nemadvodzana akhe kanye netihlobo takhe, sebabonkhe babeli-12.

³⁰ Yema-23 yadla Mahaziyoti nemadvodzana akhe kanye netihlobo takhe, sebabonkhe babeli-12.

³¹ Yema-24 yadla Romamti Ezeri nemadvodzana akhe kanye netihlobo takhe, sebabonkhe babeli-12.