1 Tikhronike 2 - Siswati 1996 Bible

Emadvodzana a-Israyeli

¹ Emadvodzana a-Israyeli bekuboRubeni, naSimeyoni, naLevi, naJuda, na-Isakhari, naZebuloni,

² naDani, naJosefa, naBhenjamini, naNaftali, naGadi, na-Asheri.

Titukulwane takaJuda

³ Emadvodzana aJuda bekubo-Era, na-Onani, naShela. Lamadvodzana omatsatfu wawatalelwa nguBhatishuwa, umKhenanikati. Era, litubulo laJuda, wenta lokubi emehlweni aSimakadze, ngako Simakadze wambulala.

⁴ Thamari, malukatana waJuda, wamtalela boPheresi naZera. Juda abenemadvodzana lasihlanu asawonkhe.

⁵ Emadvodzana aPheresi bekuboHesroni naHamuli.

⁶ Emadvodzana aZera bekuboZimri, na-Ethani, naHemani, naKhalkoli, naDara; babe ngemadvodzana lasihlanu sebabonkhe.

⁷ Umsa waKhami bekungu-Akhani, lowadvonsela ema-Israyeli inhlupheko ngekutsintsa intfo lekwakungakafaneli ayitsintse.

⁸ Umsa wa-Ethani bekungu-Azariya.

Umndeni wenkhosi Davide

⁹ Emadvodzana latalelwa Hesroni bekuboJerameli, naRamu, naKhalebi.

¹⁰ Ramu abenguyise wa-Aminadabi, Aminadabi anguyise waNasoni, umholi wesive sakaJuda.

¹¹ Nasoni abenguyise waSalmoni, Salmoni anguyise waBowazi;

¹² Bowazi abenguyise wa-Obedi, Obedi anguyise waJese.

¹³ Jese abenguyise wa-Eliyabe, litubulo lakhe, Eliyabe abelanywa ngu-Abinadabi, wesitsatfu bekunguShimeya,

¹⁴ wesine kunguNethaneli, wesihlanu kunguRadayi,

¹⁵ wesitfupha bekungu-Osemi, wesikhombisa kunguDavide.

¹⁶ Bodzadzewabo bekuboSeruya na-Abigayili. Emadvodzana lamatsatfu aSeruya bekubo-Abishayi, naJowabe, na-Asaheli.

¹⁷ Abigayili watala Amasa. Uyise wa-Amasa bekunguJetheri, um-Ishmayeli.

Titukulwane takaHesroni

¹⁸ Khalebi, umsa waHesroni, umkakhe labengu-Azubha wamtalela indvodzakati lekwatsiwa nguJeriyothi. Azubha abenemadvodzana lekwakuboJesheri, naShobabi, na-Aridoni.

¹⁹ Kwatsi kube kufe Azubha, Khalebi watsatsa Efratha lamtalela Hure.

²⁰ Hure abenguyise wa-Uri, Uri anguyise waBesaleli.

²¹ Emvakwaloko Hesroni walala nendvodzakati yaMakhire, uyise waGileyadi; Hesroni wayitsatsa asaneminyaka lengema-60 budzala; yamtalela Segubi.

²² Segubi abenguyise waJayire, labephetse emadolobha langema-23 eveni lakaGileyadi.

²³ Kodvwa imibuso yaseGeshuri newaseSiriya yehlula emadolobha langema-60 khona lapho, yatfumba iHavothi Jayire, neKhenathi kanye netabelo takhona. Tonkhe leti bekutitukulwane taMakhire, uyise waGileyadi.

²⁴ Watsi kube Hesroni afele eKhalebi Efratha, Abiya, umfati waHesroni, wamtalela Ashuri, uyise waThekhowa.

²⁵ Emadvodzana aJerameli, litubulo laHesroni, bekuboRamu, litubulo lakhe, naBuna, na-Oreni, na-Osemi kanye na-Ahiya.

²⁶ Jerameli abenalomunye umfati, libito lakhe kungu-Atara; yena abengunina wa-Onamu.

²⁷ Emadvodzana aRamu, litubulo laJerameli, bekuboMazi, naJamini, na-Ekeri.

²⁸ Emadvodzana a-Onamu bekuboShamayi naJada, emadvodzana aShamayi bekuboNadabi na-Abishuri.

²⁹ Libito lemka-Abishuri bekungu-Abihayili, lamtalela bo-Abani naMolidi.

³⁰ Emadvodzana aNadabi bekuboSeledi na-Aphayimi. Seledi wafa angenamntfwana.

³¹ Umsa wa-Aphayimi bekungu-Ishi, Ishi labenguyise waSheshani. Umsa waSheshani bekungu-Ahilayi.

³² Emadvodzana aJada, umnakaboShamayi, bekuboJetheri naJonathani. Jetheri wafa angenamntfwana.

³³ Emadvodzana aJonathani bekuboPhelethi naZaza. Tonkhe leti bekutitukulwane takaJerameli.

³⁴ Sheshani abete emadvodzana, anemadvodzakati kuphela. Abenesisebenti lesasingumGibhithe, libito laso kunguJaha.

³⁵ Sheshani wanika lesisebenti lesinguJaha indvodzakati yakhe, kutsi siyitsatse ibe ngumkaso. Batala Athayi.

³⁶ Athayi abenguyise waNathani, Nathani anguyise waZabadi;

³⁷ Zabadi abenguyise wa-Eflali, Eflali anguyise wa-Obedi.

³⁸ Obedi abenguyise waJehu, Jehu anguyise wa-Azariya;

³⁹ Azariya abenguyise waHelesi, Helesi anguyise wa-Eleyasa;

⁴⁰ Eleyasa abenguyise waSismayi, Sismayi anguyise waShalumi;

⁴¹ Shalumi abenguyise waJekamiya, Jekamiya anguyise wa-Elishama.

Titukulwane takaKhalebi

⁴² Emadvodzana aKhalebi, umnakaboJerameli, bekunguMesha, litubulo lakhe, labenguyise waZifi, Zifi anguyise waMaresha; Maresha abenguyise waHebroni.

⁴³ Emadvodzana aHebroni bekuboKhora, naThaphuwa, naRekhemu, naShema.

⁴⁴ Shema abenguyise waRahamu, Rahamu anguyise waJokeyamu. Rekhemu abenguyise waShamayi.

⁴⁵ Umsa waShamayi bekunguMayoni, Mayoni anguyise waBhethi Suri.

⁴⁶ Khalebi abenesingani lesasingu-Efa, labengunina waboHarani, naMosa, naGazezi. Harani abenguyise waGazezi.

⁴⁷ Emadvodzana aJahadayi bekuboRegemi, naJothamu, naGeshani, naPheleti, na-Efa, naShafi.

⁴⁸ Khalebi abenesingani lesasinguMakha, labengunina waboSheberi naThihana.

⁴⁹ Waphindze watala naShafi, uyise waMakbena naGibeya. Indvodzakati yaKhalebi bekungu-Akhisa.

⁵⁰ Leti-ke bekutitukulwane takaKhalebi: Emadvodzana aHure, litubulo la-Efratha, bekuboShobali, uyise waKhiriyathi Jeyarimu,

⁵¹ naSalma, uyise waBhetlehema, naHarefi, uyise waBhethi Gaderi.

⁵² Titukulwane takaShobali, uyise waKhiriyathi Jeyarimu, bekuboHarowe, nencenye yesive semaManahathi,

⁵³ nemindeni yaseKhiriyathi Jeyarimu, lekungemaJetheri, nemaPhuthi, nemaShumathi, nemaMishra. EmaSorathi nema-Eshtayoli adzabuka kulemindeni.

⁵⁴ Titukulwane takaSalma, uyise waBhetlehema, bekungemaNethofa, nebase-Atrothe Bhethi Jowabe, nencenye yemaManahathi, nemaSori,

⁵⁵ nemaSoferi, lekwakungimindeni yebabhali lababehlala eJabesi: emaThirathi, nemaShimeyathi, nemaSukathi. Laba-ke bekungemaKheni labevela kuHamathi, titukulwane tawo tatitekudzabuka emndenini waRekhabi.