1 Tikhronike 1 - Siswati 1996 Bible

Kusukela ku-Adamu kuye ku-Abrahama

¹ Adamu abenguyise waSethi, umsa waSethi kungu-Enoshi,

² wa-Enoshi kunguKhenani, waKhenani kunguMahalaleli, waMahalaleli kunguJaredi,

³ waJaredi kungu-Enoki, wa-Enoki kunguMethusela, waMethusela kunguLameki, waLameki kunguNowa.

⁴ Emadvodzana aNowa bekuboShemi, naHhamu, naJafethi.

⁵ Emadvodzana aJafethi bekuboGomeri, naMagogi, naMadayi, naJavani, naThubali, naMesheki, naThirasi.

⁶ Emadvodzana aGomeri bekubo-Ashkenazi, naRifathi, naThogama.

⁷ Emadvodzana aJavani bekubo-Elisha, naThashishi, nemaKhithi, nemaRodani.

⁸ Emadvodzana aHhamu bekuboKushe, naGibhithe, naPhuti, naKhenani.

⁹ Emadvodzana aKushe bekuboSeba, naHavila, naSabta, naRama, naSabtekha. Emadvodzana aRama bekuboSheba naDedani.

¹⁰ Kushe abenguyise waNimrodi lowakhula waba sichwaga lesasinemandla emhlabeni wonkhe.

¹¹ Gibhithe abenguyise wemaLudi, nema-Anami, nemaLehabi, nemaNafethuhi,

¹² nemaPhathrusi, nemaKhasuluhi, nemaKhaftori, lapho kwadzabuka khona emaFilisti.

¹³ Khenani abenguyise waSidoni, litubulo lakhe, naHethi,

¹⁴ nemaJebhusi, nema-Amori, nemaGirigashi,

¹⁵ nemaHivi, nema-Akhi, nemaSini,

¹⁶ nema-Avadi, nemaSemari, nemaHamathi.

¹⁷ Emadvodzana aShemi bekubo-Elamu, na-Ashuri, na-Aphakshadi, naLudi, na-Aramu, na-Use, naHuli, naGetheri, naMesheki.

¹⁸ Aphakshadi abenguyise waShela, Shela anguyise wa-Ebheri.

¹⁹ Ebheri watala emadvodzana lamabili. Lomunye bekunguPhelegi, ngobe ngesikhatsi sakhe tive temhlaba tehlukana, lomunye bekunguJokthane.

²⁰ Jokthane abenguyise wabo-Almodadi, naShelefi, naHasamavethi, naJera,

²¹ naHadoramu, na-Uzali, naDikila,

²² na-Obali, na-Abimayeli, naSheba,

²³ na-Ofiri, naHavila, naJobabi. Bonkhe laba bekungemadvodzana aJokthane.

²⁴ Kutalana kwebantfu kusukela kuShemi kuye ku-Abrama, lokusho Abrahama, bekume kanje: bekunguShemi, na-Aphakshadi, naShela,

²⁵ na-Ebheri, naPhelegi, naRehu,

²⁶ naSerugi, naNahori, naThera,

²⁷ na-Abrahama lowabe sewubitwa ngekutsi ngu-Abrahama.

Titukulwane taka-Ishmayeli

²⁸ Abrahama abenemadvodzana lamabili, bo-Isaka na-Ishmayeli.

²⁹ Emadvodzana a-Ishmayeli bekunguNebayothi, litubulo lakhe, naKhedari, na-Adbeli, naMibsamu,

³⁰ naMishma, naDuma, naMasa, naHadadi, naThema,

³¹ naJeturi, naNafishi, naKhedema. Ngiwo lawo-ke emadvodzana a-Ishmayeli.

³² Emadvodzana latalwa nguKhetura, singani sa-Abrahama, bekubo-Zimrani, naJokshane, naMedani, naMidiyani, na-Ishbaki, naShuwa. Emadvodzana aJokshane bekuboSheba naDedani.

³³ Emadvodzana aMidiyani bekubo-Efa, na-Eferi, naHanoki, na-Abida, na-Elda. Bonkhe laba bekuyintalelwane yaKhetura.

Titukulwane taka-Esawu

³⁴ Abrahama abenguyise wa-Isaka. Isaka abenemadvodzana lamabili: bo-Esawu na-Israyeli.

³⁵ Emadvodzana a-Esawu bekubo-Elifazi, naRehuweli, naJewushe, naJalamu, naKhora.

³⁶ Emadvodzana a-Elifazi bekuboThemani, na-Omari, naSefo, naGatamu, naKhenazi, naThimna, na-Amaleki.

³⁷ Emadvodzana aRehuweli bekuboNahathi, naZera, naShama, naMiza.

Takhamiti taka-Edomu tekucala

³⁸ Emadvodzana aSeyiri bekuboLotani, naShobali, naSibeyoni, na-Ana, naDishoni, na-Eseri, naDishani.

³⁹ Emadvodzana aLotani bekuboHori naHemami. Thimna bekungudzadzewaboLotani.

⁴⁰ Emadvodzana aShobali bekubo-Alvani, naManahathi, na-Ebali, naShefi, na-Onamu. Emadvodzana aSibeyoni bekubo-Aya na-Ana.

⁴¹ Umsa wa-Ana bekunguDishoni. Emadvodzana aDishoni bekuboHemdani, na-Eshbani, na-Jithrani, naKherani.

⁴² Emadvodzana a-Eseri bekuboBilhani, naZavani, na-Akhani. Emadvodzana aDishani bekubo-Use na-Arani.

Emakhosi aka-Edomu

⁴³ Lawa ngemabito emakhosi labebusa eveni laka-Edomu kusengakabusi inkhosi ka-Israyeli: Bela, umsa waBheyori, waba yinkhosi ka-Edomu; inhlokodolobha yakhe bekuyiDinihabha.

⁴⁴ Kwatsi kube kufe Bela, kwase kubekwa Jobabi, umsa waZera labewekutalwa eBhosra, waba yinkhosi emvakwakhe.

⁴⁵ Kwatsi kube kufe Jobabi, kwase kubekwa Hushamu waseveni lemaThemani kutsi abe yinkhosi emvakwakhe.

⁴⁶ Kwatsi kube kufe Hushamu, kwase kubekwa Hadadi, umsa waBedadi. Bedadi ngulona lowancoba emaMidiyani eveni lakaMowabi. Inhlokodolobha yakhe bekuyi-Avithi.

⁴⁷ Kwatsi kube kufe Hadadi, kwase kubekwa Samla waseMasrekha.

⁴⁸ Kwatsi kube kufe Samla, kwase kubekwa Shawula waseRehobothi ngasemfuleni.

⁴⁹ Kwatsi kube kufe Shawula, kwase kubekwa Bhali Hanani, umsa wa-Akbori.

⁵⁰ Kwatsi kube kufe Bhali Hanani, kwase kubekwa Hadadi. Inhlokodolobha yakhe bekutsiwa yiPhayi, kantsi umkakhe bekunguMehethabeli, indvodzakati yaMatredi, indvodzakati yaMe Zahabe,

⁵¹ naHadadi wafa. Tikhulu taka-Edomu bekuboThimna, na-Alva, naJethethi,

⁵² na-Oholibama, na-Ela, naPhinoni,

⁵³ naKhenazi, naThemani, naMibsari,

⁵⁴ naMagdiyeli, na-Iramu. Leti-ke bekutikhulu taka-Edomu.