1 Timothée 2 - Gisir

Ndongi gukyelu dulembu

¹ Direge, nyagwambili gulembe Nyambi, gumulembige ne gumugabusile diboti gukyelu batu botsu.

² Lembe gukyelu kanangu ne bidyeti. Vane dugubege monyu yi kindi kindi, ne gube binami gu Nyambi mu mutsageninu boti.

³ Labe dinonge ne dyarondi Nyambi mwobutsi etu,

⁴ agarondi re batu botsu bobulu, bekeyabe bureti.

⁵ Mbare Nyambi yi imosi, Gu gikambi gi mosi ve gari Nyambi ne bumongu, mutu, Sesu Kirisete,

⁶ yi kwevege yandi beni gisuke gu gobule botsu. Ve gigumbi gi Nyambi ronde, abege vane gilimbe re Nyambi garondi re mutu wotsu wobulu.

⁷ Re dibandu menu (nzafuri, nyagwambili bureti), Nyambi mbyatse gilumbi ne munenzi, gu guneze gitu ne bureti gu botsu be sandi Sif.

⁸ Nyarondi re mu mbure tsyotsu bebagele belembi, mekake rereri randu gu nzambi, gu sandi kabu ne mibokunu.

⁹ Gwandi, pasi re begetu balembi, bedwari bidwaru bi digobe. Beyakwekukembise ne mepaki, myoru, pange, bipunge ne milunge mi putu, misange ne bidwaru bi pusu.

¹⁰ Tumbe berigitsi buvwandi bu awu mu mambu me badyanzi. Mane melemine ne begetu barigitsi girondu gi awu gu Nyambi.

¹¹ Pasi begetu banengi, nonge babi ne ndembu mu mutsageninu kindi kindi.

¹² Nzavegi mugetu dinyange di gunenze ne gwambile bebagele me beguvage. Tumbe babi kindi kindi!

¹³ Mbare Megwangu regile sundu, duke Nyangi.

¹⁴ Mbare sabe Megwangu tsimbisu, tumbe mugetu re tsimbisu, sige alenze Nyambi.

¹⁵ Tumbe agobulu mbare gubure, pasi re atserare gitu, girondu ne gutsagene mudigobe di Nyambi ne ndembu.