Zaburi 99 - BIBLIA Maandiko Matakatifu Kwa Watu Wote 2002

Mungu ni mutawala mukubwa

¹ Yawe anatawala, mataifa yanatetemeka! Ameikaa juu ya makerubi, nayo dunia inatikisika!

² Yawe ni mukubwa katika Sayuni; ametukuzwa kuliko mataifa yote.

³ Wote wasifu jina lake kubwa la kutisha. Yeye ni mutakatifu!

⁴ Ee mufalme mukubwa, mupenda haki, umesimamisha usawa katika Israeli; umeleta sheria na haki.

⁵ Mumusifu Yawe, Mungu wetu; muiname uso mpaka chini mbele yake. Yeye ni mutakatifu!

⁶ Musa na Haruni walikuwa makuhani wake; Samweli alikuwa kati ya waliomulilia. Walimulilia Yawe naye akawasikiliza.

⁷ Alisema nao katika nguzo ya wingu; walitimiza maagizo yake na masharti aliyowapa.

⁸ Ee Yawe, Mungu wetu, wewe uliwasikiliza; ulikuwa kwao Mungu mwenye kusamehe, ingawa uliwaazibu kwa makosa yao.

⁹ Mumusifu Yawe, Mungu wetu; muiname kwa mulima wake mutakatifu! Yawe, Mungu wetu, ni mutakatifu.